今朝一返到去學校又再如常的抄功課。
跟住落去早會，阿ｓｉｒ話要全校檢查頭髮，
我就以為我一定死梗啦今次，
因為我髮尾太長了．．．．．．
但係超好彩，我竟然冇俾人捉∼∼∼ｙｅａｈ∼
不過我見到隔離班有ｄ人髮尾好短都俾人捉左出去＝ｖ＝
興幸自己有個沒頭沒腦的阿ｓｉｒ。。。
上頭個幾堂我差唔多全部時間都係度睇書（中途有不少麻煩人係度問我英文）
放小息個陣更加嚴重．．．俾人圍住哂－﹏－
放完小息之後個堂公民教育全堂都係度睇書．．
到左視藝堂，調位去後面個枱坐，因為後面好玩好多．．．
有杰杰，少傑同發發，好過原本個張枱ｄ人多多聲．．
（原本張枱有俊郎，白痴本同陶進明）
成兩堂不斷係度傾計，少傑又搞笑，發發又白痴（搞笑的白痴）
得閒又可以串下杰杰ｄ超水皮英文（哈哈哈哈）
真係超好玩，個ｍｉｓｓ又正，少傑大大聲講粗口佢都話聽唔到。﹏。
放午飯個陣阿ｓｉｒ話要問大約既名次就落去搵佢，
跟住豆包恩扯住我落去叫我倍佢．．
我就對問名次冇乜興趣，因為我之前問左－３－
豆包恩問左佢，話佢係５∼１０名，佢就扮到好似解開心裡既包袱咁，
但我隱約中覺得佢露出失望既表情．．．
跟住我地去左圖書館，做左ｄ好祕密既野。。
放完午飯，我地就落去上我地既天堂，
而３Ａ2就要面對住地獄。
不過個阿ｓｉｒ冇返，所以我地自由活動，
個代課阿ｓｉｒ就拎左好多野出黎玩，
我就同豆包恩，肥燕，布歐，全記同火星人玩ＵＮＯ，
間唔中玩下覺得幾好玩＠＠”
之後既中文堂ｍｉｓｓ仍然冇返，
不過今次代課既就係一個年輕既阿ｓｉｒ，
佢對眼超似肥姜．．．．朦豬眼－３－
上堂個陣超爆嘈，嘈到拆天，
雖然豆包恩同假正義既肥岱個堆人極力阻止，
不過我反而覺得仲更加嘈．．．又其是肥岱個把聲同豆包恩既癲雞聲．．
個阿ｓｉｒ又唔敢叫人嘈．．．成日都滿面天真既笑容－３－
但係我都少理，我繼續睇我既書．．睇到落堂，
再一直睇到閱讀堂完畢，跟住放學，
我同豆包恩繼續我地午飯未完既事，
目標係圖書館∼！
之後放學，返屋企，
一如以往的打機睇電視睇書打日記直落．．
跟住訓覺∼∼ |
