唉......!離哂大譜!!!山東有個女學生感冒，佢阿媽&佢阿婆(在哈爾濱)竟然專程搭飛機送藥俾個女仔!......真係嬌生慣養!傻o架!!!
此外，仲有其他例子:
1: 14/03/2007
青島11衰女童因母親不肯買條裙俾佢，危坐窗台威脅要跳樓......
個人感受: 嘩!要條裙啫，就要跳樓。如果我係嗰個阿媽，我會話:「你咪跳囉!為咗條裙要跳樓，你怡家無裙着咩!?」
2: 14/03/2007
長春3歲男童被父母縱容每天玩電腦遊戲超過3個鐘，導致300度大近視......
個人感受: 300度近視!!!天啊!我先200度幾咋!
3: 01/03/2007
吉林梅河口市7歲男童因母親攞佢D利是錢，用燒紅咗嘅鐵枝燙傷母親右腳......
個人感受: 衰仔!你阿媽嚟o架!佢受咗傷，邊個照顧你呀!?
4: 20/02/2007
湖南益陽9歲男童沉迷玩煙花，被阿媽話:「你怎麼不懂節制!」憤從二樓住所跳下......(唔知受傷or瓜咗)
個人感受: 煙花......我每年都只係燒一次咋!咁鍾意燒，自己大個就揾多D錢，到時幾多都有得燒啦!
5: 05/02/2007
湖南長沙11歲男童問67歲嫲嫲攞1蚊買鞭炮，阿嫲唔肯，佢就要佢阿嫲在門外捱凍4個鐘......
個人感受: 老人家已一把年紀o架啦!仲要佢咁做。佢唔俾錢你，你咪用自己D錢囉!如果佢在HK，我一定告佢虐老!
6: 31/01/2007
甘肅蘭洲16歲少年與老父在學業問題上爭執，竟罵父親「早該去死」，父親難過得狂吞40片安眠藥自殺......
個人感受:即使你阿爸點罵你都好，都係唔可以咁罵自己阿爸o架!這盡顯不孝嘅行為! |
