＜第二階段：婚前九個月至婚前半年＞ 全面改善

做好基本調理，大家就可以開始靠護膚品幫助，

再進一步改善肌膚。喺呢個階段入面，

大家可以先搽一啲有全面提升膚質功效嘅護膚品，

例如所謂嘅「神仙水」，或者一啲濃度較高嘅精華液等等，

亦可趁呢個時候服用一啲有美肌功效嘅Supplement，

例如膠原飲料等。

以上呢啲都係一啲需要較長時間使用或服用先會見到功效，

但同時間效用亦係最持久嘅產品，

由婚前九個月至半年開始用就啱啱好；

而且呢地產品嘅護膚功效都比較全面，

一般都可以全方位改善膚質，

就好似先為皮膚做好一個基本Training，

打好咗個底之後先慢慢再做各方面嘅深入培訓，

由淺入深，令皮膚慢慢適應，

咁樣成個護膚過程先可以做得更得心應手。





＜第三階段：婚前半年至婚前三個月＞ 集中改善

到左婚前半年，皮膚質素已經得到基本嘅改善，

咁呢個時候，我地就可以根據個別肌膚所面對的問題，

作出深入改善。每位女性都有唔同嘅皮膚問題，

可能係暗瘡、可能係雀斑、可能係皺紋，

有啲女士塊面特別乾，有啲特別油，

有啲甚至時乾時油，

有啲女仔嫌自己塊面太漲，

又有女仔會嫌自己個樣太殘，

而巿面上林林總總嘅護膚品，

就係為呢千千萬萬種皮膚問題而設。

準新娘應該認清自己所想要改善的問題，

集中搜尋適合自己嘅護膚品。

要改善暗瘡，就應選用能夠控制水油平衡嘅產品；

要改善暗啞同雀斑，就應選用有美白、袪斑效能嘅護膚品；

要改善皺紋，自然應該選用抗皺、抗衰老產品。




 
＜第四階段：婚前三個月至婚前一個月＞ 善用儀器

婚期越嚟越逼近，如果前面幾個階段大家無偷懶，

到咗呢個時候，

好多我地原本面對緊嘅基本皮膚問題，

應該或多或少都得到改善。

不過大家會發現，有一啲個別皮膚問題，

係無論點搽護膚品都無辦法明顯改善嘅，

例如包包面、黑眼圈、魚尾紋等，

就算搽幾多護膚品，好似都係差唔多。

所以到咗呢個階段，

我地就係時候出動家用美容儀，

同呢啲問題決一死戰。

家用美容儀雖然成本係高啲，

但無可否認，佢地嘅護膚功效的確比較顯著，

不過值得一提嘅係，使用家用美容儀，

手勢一定要正確，否則可能會帶嚟反效果，

例如要用瘦面儀改善包包面，

就一要用提拉動作，所以記得讀說明書呀！

只要用法正確，兼且唔好愉懶，

每日抽十零分鐘使用家用美容儀，

咁就可以集中咁改善一啲頑強嘅皮膚問題。

其實真係無想像中咁難咖！





＜第五階段：婚前一個月至婚前一天＞ 美容護理

最後衝刺了！到咗婚前一個月，

係時候要去美容院做一啲適合自己嘅Facial。

好多無幫襯開美容院嘅準新娘都會問我：

婚前應提早幾多開始做Facial呀？

一年？九個月？半年？三個月會唔會太遲呀？

其實我就覺得，如果妳本身自己喺屋企嘅護膚功夫做得足，

咁最後一個月先開始做Facial都已經好夠（又可以慳返啲錢嘛）。

喺我心目中，做Facial嘅作用，

除咗係幫妳改善膚質之外，

仲係可以俾妳一個好好Relax，

徹徹底底放鬆自己嘅好機會，呢種Relax嘅感覺，

係妳喺屋企自己幫自己搽護膚品時點都感受唔到嘅，

而呢種徹底放鬆嘅體驗，

又係每一位準新娘嚟到婚前最後一個月都需要嘅嘢。

好多準新娘，見婚期迫在眉睫，

精神會越嚟越緊張，情緒亦會出現波動，

嚴重嘅甚至會出現失眠、無胃口、抑鬱等問題，

咁無論佢地幾勤力護膚，睇上去都一樣鬱鬱寡歡、

沒精打彩，一啲都唔靚。

所以，婚前最後一個月，多啲去美容院做Facial，

喺護膚嘅同時，亦乘機好好Relax一翻，

拋開所有煩惱，放鬆身心，

對妳嘅皮膚質素都可以有正面嘅幫助。




＜第六階段：婚前一星期＞ 磨砂煥膚

嚟到婚前最後一個禮拜，心情真係越嚟越緊張呀！

不過，無論幾忙幾緊張，

都唔可以忽略呢個星期嘅護膚程序。

呢個最關鍵嘅禮拜，我地要做嘅，

就係為肌膚做好最佳上妝預備，

所以呢個禮拜大家不妨勤力一啲做磨砂，

磨走臉上嘅死皮，令肌膚好似剝殼雞蛋咁又滑又光澤。

除此之外，大家亦都可以選擇做果酸Peeling，

袪除面上一啲厚身嘅角質層，保持肌膚幼嫩同光滑，

咁一星期後，皮膚觸感就會變得柔軟，

更加容易上一個貼服妝容。





＜第七階段：婚前一天＞ 急救面膜

終於到咗單身最後一日！

明天就要嫁給你了，緊張到瞓唔著呀！

事實上，大部分準新娘呢一日都瞓得好少，甚至徹夜無眠，

皮膚狀態點都會受影響，淨係一對熊貓眼都令妳前功盡廢！

不過唔使驚，呢個世界有樣嘢叫做急救面膜，

而呢一日，講真，就算妳忙到瞓覺都無時間，

呢個面膜，妳一定要敷。

佢將會成為妳最後關頭嘅救星，

喺最後一刻幫妳挽救皮膚狀態，

緊急注水、注營養、提升、亮澤，為明日做好最佳準備！

不過，喺呢度都要提提大家，

敷完呢塊最後的面膜，都有一樣嘢要留意，

就係記得用清水抹乾淨剩餘嘅護膚精華呀，

有啲準新娘敷完Mask抱住「用得唔好嘥」嘅心態，

由得嗰啲多出黎嘅面膜成分殘留喺塊面度，

乾咗一層漿住塊面，到咗上妝嘅時候，

呢層乾咗嘅面膜就會喺面上變成擦膠碎，影響妝效。

所以，敷呢個最後的面膜，都要敷得有技巧呢！


下個禮拜，我地會為大家送上《準新娘飲食手冊》，

教大家點樣喺婚前靠飲食習慣改善膚質、體質同身型，

大家記得密切留意喇！

by Brides Talk