Eyebrow Styling Compact  3色 $220

首先緊係畫咗條眉先啦！
Shiseido出咗3隻色，
大家都煩惱唔知點揀眉筆/眉粉，
俾大家一個小tip啦，
其實去買眉筆/眉粉，個盒身都有寫係咩tone架，
例如好似中間隻係會寫住GR，姐係灰tone，
岩本身頭髮較深嘅人，如黑色，
而左右會寫住BR就係啡tone喇！
就岩染咗頭髮嘅人，右邊就岩染到好金嘅人！

啲人會問點解眉粉會有深淺色，
其實深色個邊就係for眉尾，更深嘅地方，
而淺色就係手掃係眉頭！

試完個眉粉，
個粉質非常幼細，仲好實色，非常好用！

Luminizing Satin Eye Color Trio 全新3色 $310

今次Shiseido全新3色，都係嚟至唔同靈感，
而我今之用嘅係GR412色，
靈感源自威尼斯沙灘日落嘅時候，
聽起嚟真係好浪漫呀！

呢款眼影set，顯色度唔錯，
而且質地都好柔滑，好易就掃得上。

日妝方面，就用咗佢右手邊淺綠色，
掃上整個眼窩位，
然後就用中間藍綠色，
由眼線位慢慢blend到眼摺，
再用返淺綠色打亮眼頭，
加返條眼線就得喇！

到夜晚有party要去，想化濃少少，
你就可以用埋最左面嘅橄欖綠，
由眼尾慢慢加深，
而下眼線位都要掃，
掃到眼珠中間左右，
再加粗少少條眼線就得喇！
加深咗blend埋仲有少少帶灰色嘅感覺添！

Perfect Rouge 全新10色＄220

有用過呢個系列嘅唇膏就知，
呢支唇膏質地非常之好，好滑，
而且好滋潤，唔搽潤唇膏打底都唔覺乾，
仲有效預防唇紋，真係very good！

我就用咗一隻自然粉紅色嚟襯返個日妝！

Lacquer Rouge 全新6色 ＄220

今次呢個系列嘅唇彩，多咗好多隻色，
佢靈感係來自日本統漆器，
所以我就特別試咗鮮紅色同金色。

首先搽咗個鮮紅色，
平時搽好紅咀，睇得多就覺得好單調，
所以就加咗少少金色係個唇中間，
睇落去有啲層次同立體感。

支唇彩顏色好rich，好實色，
搽一層已經好夠又好搽，而且唔會痴住個咀，
同樣都係唔會現唇紋。
都係好值得大家去試！

到最後，俾大家睇下個全妝啦！

日妝，自然簡單
平日返工出街都岩用！

晚妝，party、去飲就fit哂，
由其就嚟到xmas，化返個靚妝！

睇完係唔係好心動呢？
大家快啲去Shiseido counter睇下喇！