岩岩過咗重陽，天氣先開始慢慢涼， 原來話咁快就到11月，好快又到聖誕， 唔知大家諗定聖誕送咩俾身邊嘅人未呢？ 而我地就最先收到shu uemura 嘅Christmas set， 成為我地第一砲， 慢慢我哋會再為大家介紹其他牌子！

每年shu uemura 都會同唔同品牌合作， 出啲好靚嘅collection。 而今年為咗慶祝shu uemura 30周年， 佢就同咗現代藝術殿堂級人馬村上隆合作， 聯手以＜六心公主＞作為主題推出咗聖誕彩妝系列， 我地好開心收到成個collection，真係好開心！

收到呢盒collection， 真係好似拆禮物咁， 打開裡面就放滿哂最新嘅collection。 每款產品都有村上隆設計嘅公仔，真係好靚！ 等我為大家介紹下啦，而且仲用咗佢嚟化咗個聖誕妝！

首先就係見到佢地嘅皇牌產品

限量版昇級綠茶抗氧化潔顏油 ＄650 限量版TSUYA光感新肌精華泡沫底霜 ＄355

呢兩款皇牌產品都換上最新村上隆設計嘅包裝， 真係好靚呀！

限量版迷你化妝掃套裝＄450

大家都知shu uemura 啲掃平均都要2﹣3百蚊一支， 而家4百幾已經有4支，仲有一個咁靚化妝袋， 真係幾底買！

限量版村上隆心形花花睫毛夾 ＄140

呢款睫毛夾，好似好普通咁， 除咗有個好靚嘅鎖匙扣之外，

其實佢個設計，係好可以好輕鬆咁夾眼頭眼尾嘅睫毛， 佢係上面有一個膠托可以貼住上眼瞼去夾， 可以好精準仲夾唔肉添！

當然唔少得限量版眼睫毛啦！

翅上瑰寶尊貴版彩妝睫毛＄620 眨動愛傳自然彩妝睫毛＄165

裡面仲有，

限量版迷你指甲油魔鬼套裝 ＄200

有兩隻色，兩款都好靚！ 岩哂聖誕用呀！

限量版魔幻胭脂彩妝盒 ＄550

呢個有兩款唔同顏色組合， 可以打造唔同形象同感覺， 一個就可以型啲，一個就可以甜美啲， 一盒有7隻眼影，加一個胭脂！ 除開100蚊都唔駛， 大家都知只係買胭脂連盒都要200蚊左右， 所以呢一盒真係好底買！

shu uemura嘅眼影唔駛多講都知有一定保証， 好多顏色選擇，而且好上色！ 而我就揀咗心動粉紅彩妝盒，粉色系列嚟試範個聖誕妝！

首先用白色打亮眉骨， 再用第二行中間嘅粉紅色掃上整個眼窩位， 之後用紅棕色掃到去眼摺位置， 最後用深棕色係上下眼尾， 淺粉紅就打亮個眼頭位，就得喇！

另外，我仲有用佢新嘅

限量版魔幻持久啫喱眼線筆＄190

呢款眼線筆，筆芯係好幼， 可以畫出一條好幼嘅眼線， 而且都好畫得好順滑。

我就用咗黑色畫係內眼線， 另外魔幻紫就用嚟畫外眼線。

咁就完成個眼妝喇！

限量版魔幻唇妝胭脂組合 ＄230

shu uemura全新推出咗一款， 可以用嚟做胭脂膏同唇彩嘅產品。 係日本化妝品牌好少見， 呢個係shu uemura第一次推出呢種類型嘅產品，

佢質地好好推，而且唔笠身， 出嚟效果係matte身， 用少少就好上色！ 而且都好自然，好似自己皮膚透出嚟嘅感覺！

我仲用埋佢做唇彩， 打造整個妝，真係好方便！

Total Look

呢個化妝系列係10月23就開始售賣架喇！ 到時大家可以去counter睇下！