唔知大家去韓國有無買過呢個牌子呢？

去明洞或新沙洞都會見到佢哋踪影，
但大家之後唔駛再特登去韓國買喇，
因為VDL已經係海港城LCX有counter喇！
而VDL其實係LG集團旗下其中一個化妝品牌，
WHOO(后)、belif、SU:M37等等都係屬於LG。
所以品質非常有保證，而且仲好令人驚喜添！
等我由底妝開始同大家介紹啦！

VDL REAL SKIN FOUNDATION

圖下就係搽咗佢哋嘅Lumilayer Primer後，再上呢款real skin粉底，
底妝睇落好透薄自然，配合埋個primer就會帶少許光澤感。
粉底質地好水潤同輕盈，所以好易就可以推開，
遮瑕度適中，均勻到膚色，
紅印都可以遮到8成，但眼圈位比較嚴重，
就要之後再加遮瑕膏喇。

VDL FESTIVAL MINERAL EYES (LOVE MARK) #201

呢款係礦物雙色眼影，佢質地都好幼細，
顏色帶有Metallic，出嚟效果都好shimmer，
令眼型更加突出。
等我教吓大家點用啦！

Step 1:  首先用左邊玫瑰金色，打亮整個眼簾。

Step 2: 用右邊啡金色掃上眼摺和下眼尾位置，
慢慢blend鬆。

Step 3:  再用玫瑰金色打亮眼頭。

Step 4: 最後再加上眼線和睫毛液。

VDL FESTIVAL MINERAL BLUSHER (LOVEMARK) #109

同樣都係有礦物成分嘅胭脂，佢一盒有兩隻色，
可以分開兩隻色用或將兩色混埋都得，
上面效果非常自然，有白裡透紅感覺，
而且粉質都好幼細，帶少少shimmer，用完塊面感覺好飽滿。
盒裡都包咗一個細胭脂掃，方便帶出街補妝。

VDL FESTIVAL LIPSTICK (LOVE MARK) #101

經常教大家化咬唇妝，但總係有朋友覺得好麻煩，
究竟仲有無再快啲方法呢？
VDL呢款三色唇膏，一支就可完成韓式漸變咬唇妝，
裡面有主色、副色同基底色三色，只要將基底色放係底，
就可以做到好自然嘅漸變效果，5秒就可以完成架喇！

而且佢質地好滋潤，好似搽潤唇膏咁，
基本用佢都唔需要好多技巧，
唔識化咬唇妝嘅姐妹就有救喇！

Total Look！

VDL FESTIVAL LIPSTICK (LOVE MARK) #508

除咗三色唇膏外，佢哋Festival Lipstick都好出色架，
佢質地好creamy，顯色度非常好，輕輕搽一層就已經好夠
特別呢隻暗紅色，夠哂型，搽完顯得膚色更白淨。

而以上產品暫時仲未知道價錢，
所以大家有興趣就可以親自去counter睇吓喇！

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup