結婚一生人一次,
係人生一大重要時刻,
除左準備酒席,禮服等等,
其實好多小節都要準備嫁~
好似頭飾,戒指枕,Welcome Board咁,
除左比錢買大家有冇諗過自己DIY先?
今次就等Joan分享下啲日本手作人嘅婚禮DIY小物啦~
首先講左好多新娘子都好在意嘅新娘頭飾先~
雖然唔少化妝師幫新娘子set頭都會包埋頭飾租借,
但唔少人都愈黎愈鐘意自己DIY頭飾,
畢竟獨一無二~
上圖分別係用布藝拼的和風小花同羊毛氈做成的頭飾,
我特別鐘意和風小花做出嚟嘅頭飾,
感覺好細緻,
而且不同顏色的布藝小花可以配襯掛頭或晚裝頭,
新娘子或化妝師都多個選擇!
結婚緊係唔少得對戒啦~
唔少新人都會物色靚嘅戒指枕,
係交換戒指前放置戒指,
但原來戒指枕都可以DIY,
而且款式仲咁靚添!
有左咁靚嘅戒指枕,
一定唔會再聽到新人唔見戒指嘅笑話啦~
除左頭飾同戒指枕外~
大家有冇諗過結婚蛋糕都可以DIY呢?
當然只係擺設唔食得啦!
遠睇同真嘅一樣,唔講真係唔知係羊毛氈造嫁!
Wedding Party有結婚蛋糕裝飾做背景影下相真係一流啊!
仲唔怕"蛋糕"會溶添!
婚禮最重要之一當然唔少得Welcome Board啦!
DIY的話仲可以加啲代表你倆嘅Style~
令親朋戚友黎到你地嘅婚禮更有歸屬感!
我特別鐘意一對兔子果個Board,
真係好可愛好sweet啊!
除左以上介紹嘅DIY外,
其實婚禮仲有好多細節野要注意嫁~
好似回禮禮物,包裝,簽名筆咁,
有心思都可以自己Diy嫁!
大家睇左咁多,有冇為自己嘅婚禮增添左啲idea先?
當然大家無咁多時間都可以選擇買啦~
不過如果有時間我始終都覺得親力親為比較好,
畢竟婚禮都係一世人一次,
DIY可以令婚禮更加特別同獨一無二,
希望大家鐘意今次嘅分享啦!
如欲取得更多第一手美容及扮靚資訊
可瀏覽Girls Talk Main Blog：
www.facebook.com/janicelammakeup
|
