大家多數都只係留意本地香港嘅blogger，
但貪靚嘅我哋又點止，淨係睇香港嘅blogger咁少呢？
我哋就想同大家分享吓，來自唔同地方嘅blogger，
會化啲咩妝同埋分享嘅嘢啦！

首先梗係講咗韓國先啦！
韓國blogger最鍾意分享仿妝，大家都知道啦！
不過佢哋除咗鍾意化最新、最hit韓國女星妝容之外，
原來佢哋連韓國男星都唔放過㗎！

大家一睇就知道呢位女blogger係仿緊邊個啦！
就係G-Dragon喇！

單眼皮變雙眼皮，相信大家都知道點整，
但呢位blogger真係好利害，
調返轉雙眼皮變單眼皮，真係好勁

驟眼睇真係以為係G-Dragon真人呀！

除咗扮男星之外，仲會仿卡通片人物嘅角色㗎！
首先有白雪公主！

其實只要將唇色改為自然少少嘅顏色，
呢個妝平日出街都幾啱駛㗎，夠哂簡單自然。

仲韓國仿妝達人Pony，而佢今次就係扮，
近來小朋友好鍾意嘅“Frozen冰雪奇緣”女主角喇！

佢化眼妝已經去到出神入化嘅地步，
佢好輕易就可以打造外國人眼部深邃嘅輪廓。

當然仲有面部嘅立體感啦！

不得不讚歎韓國blogger化每個妝，
無論影相同圖解都做得好仔細，
而且所有妝容就算誇張都唔會嘩眾取寵。
身位化妝師嘅我哋，
都會睇好多呢啲blogger作參考對象，攞多啲靂感。
大家都不仿發掘吓多啲唔同有趣得意嘅blogger啦！
下次再同大家分享其他地方嘅blogger。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup