生活壓力、天氣、環境污染等都會影響皮膚嘅質素，
日積月累就會造成各種肌膚問題，甚至加速衰老，
想改善肌膚健康，
不妨考慮用一啲成份天然嘅護膚品，
減少肌膚嘅負擔，
其實呢類天然護膚品都有一班忠實fans架，
因為天然嘅成份性質都比較溫和，
刺激性低，尤其適合皮膚容易敏感嘅朋友架。
我地今次會介紹不同種類嘅天然護膚產品比大家，
其中兩個品牌仲係近期進駐香港架，
睇下又適唔適合你啦!
唔知大家有冇聽過N23.5 北緯23.5呢？
大家可能對呢個品牌唔太熟悉，
其實佢係一個台灣品牌，
一直堅持用台灣原料、台灣農產品生產嘅化妝品，
不添加化學色素、香精和酒精，
性質溫和，不刺激皮膚。而呢個品牌就出左好幾款皇牌凍膜，
亦推廣一個叫「２２２凍膜法則」
包括：每週至少使用２次
每次按摩排水腫２分鍾，
每次停留２０分鐘後洗淨。
大家要記住啦！
N23.5桂竹超激活水凍膜
主要成份有桂竹筍萃取、蜂王乳萃取、小黃瓜萃取、
燕麥萃取、玻尿酸，
深層滋潤肌膚底層，
修護乾燥受損角質，鎮定肌膚，
豐盈老化肌膚，令肌膚回復彈性，
尤其適合缺水皮膚。
提提大家：凍膜為gel狀質地,最好放入雪櫃先冷藏，
而每次都要敷十蚊硬幣咁厚，
先達至最佳效果，所以唔好慳住用呀！
敷果陣好清涼，做到鎮靜既救果。
除咗桂竹之外，仲有其他凍膜選擇架∼
左: N23.5 紅薏仁鏡透幻白凍膜
主要成份有紅薏仁萃取、豌豆萃取、白木耳萃取，
深層淨白暗沉膚色，抗老化，
適合中性、暗沉、膚色不均肌使用。
有肌膚暗沉粗糙問題嘅朋友就可以試下喇。
中: N23.5 米粹浴雪重生凍膜
主要成份有米粹萃取、薏仁萃取、Dl water，
米粹萃取形成鎖水保護層，提升肌膚修膚力，
幫肌膚補充水分，
米粹同薏仁亦有淨白肌膚功效，
膚色唔均勻嘅朋友就可以試試啦，
中性及油性肌膚都啱用架。
右: N23.5 東方美人茶白玉無瑕凍膜
主要成份有東方美人茶萃取、蘑菇萃取、
Dl water及歐薄荷萃取，
能深入清潔毛孔，預防毛孔堵塞，
改善毛孔粗大問題，尤其適合油性及暗瘡肌膚。
比兩個使用凍膜既tips大家：
1) 凍膜＋保濕精華液
先加1-2滴精華液再敷上凍膜, 會令之後上妝無咁卡粉會更加貼。
2) 凍膜+乳液
以(凍膜4:乳液1)比例mix完敷係面部, 就可以舒緩到肌膚脫皮,乾燥痕癢既問題啦。
大家有興趣了解多啲，可以睇睇以下網址：
另一個想介紹比大家嘅品牌就係Fleurance Nature，
其實佢係一個已經有超過四十年歷史嘅法國品牌，
最近先登陸香港架咋，
鍾意天然護膚品既朋友就一定要留意啦！
每日肌膚接觸空氣中嘅塵埃、污垢、汗水，
以及化妝後嘅殘垢，其實就非常污糟!!
呢啲都會破壞肌膚天然保護膜，
容易引起各種肌膚問題，
要擁有完美無瑕肌膚，就必須從根本做起啦。
首先一定要從落妝開始!!
有機矢車菊溫和免沖卸妝水 $245
主要成份有矢車菊花水同蘆薈 ，
具保濕功能，有效修復及紓緩受損肌膚。
呢支係方便易用嘅免沖水配方，
可以溫和卸除面部同眼部彩妝。
另外，佢仲可以紓緩眼部疲勞及浮腫，
減退細紋同活化眼部肌膚，
佢配方好溫和，唔會刺激到雙眼架，
可以直接倒於化妝棉上使用，唔需要再用水清洗。
又或者可以沾濕化妝棉敷眼約十分鐘，
仲可以為眼膜消除疲勞！
適合所有肌膚，尤其係脆弱同敏感肌膚。
除咗日常護理之外，最好定期使用磨砂或者peeling產品，
去除面部老化角質之後，
之後嘅護膚品就更加吸收啦！
有機荷荷巴輕柔磨砂乳$260
成份有荷荷巴微粒、 天然溫和果酸(藍莓，檸檬，香橙) 、
荷荷巴油同維他命 E，
當中嘅荷荷巴微粒能有效去除角質及死皮，
而天然溫和果酸可以促進細胞再生，
調節油脂分泌令肌膚回復光澤有彈性。
覺得皮膚好暗啞嘅朋友就一定要試下啦。
推開完覺得質地幾rich, 磨上去唔會太“鞋”,
聞到陣好清新嘅果香味好舒服，
洗完面之後成塊面好滑好乾淨,又唔會覺得繃緊，
之後就可以再上其他護膚品就更加吸收。
每星期用 1 至 2 次就得啦，
適合所有肌膚使用。
苦橙花具有紓緩鎮靜既功能，
係現時好流行嘅美容成份，
呢支做到即時發揮補水、保濕、提亮膚色功效 ，
仲有效軟化皮膚添！
聞落去真係有種苦苦地嘅味道好特別，
潔面後直接噴於面上或沾濕化妝棉塗抹於臉上當toner用都得。
適合所有肌膚，尤其乾性及缺水的肌膚。
為針對油性和混合性肌膚類型而造成嘅問題，
就可以選擇佢既有牛蒡花系列啦！
有機牛蒡花淨膚袪印精華 $380
主要成分有牛蒡萃取、天然 BHA、柳蘭、同乳木果油，
牛蒡具淨化同排毒功效，能淨化肌膚，收細及疏通毛孔，
預防黑頭粉刺形成，
呢支精華可以促進角質細胞更生，
減淡痘印及表皮沉著色素
做到紓緩及降紅，同時提升肌膚保護屏障。
早晚潔面後使用，全面或重點塗搽於所需位置就得啦。
適合所有肌膚，尤其油性或中油混合性肌膚。
香港空氣咁污濁,加上而家咁強既紫外線就會破壞我地肌膚天然嘅保護膜！
油性肌分泌過多油脂再加埋化妝品同污垢混合後，
就會容易阻塞毛孔，所以油性皮膚容易啲出暗瘡就係咁解！
控油功能唔一定化妝品先做到，以下呢支乳霜就係好推介啦。
有機牛蒡花淨膚清爽控油乳霜$345
主要成份有牛蒡萃取，金縷梅花水，同純米控油粉末，
呢支一樣具有淨化同排毒功效既牛蒡，
仲可以做到調節油脂分泌，去除油光，
令肌膚回復水油平衡狀態。
GEL狀質地， 推開好清爽又易吸收，
啱哂油性皮膚用呀！
適合所有肌膚，尤其油性或中油混合性肌膚。
| 
