平時卸妝卸唔乾淨，
化妝品殘餘物就會好容易堵塞毛孔，
令皮膚出粒粒，生暗瘡粉刺架喇，
所以卸妝程序係好重要架。
我地就用咗三種公認最難卸嘅products，
Liquid Eyeliner、Mascara同唇膏來個大測試！
一齊去片啦！

大家睇完我地條大測試片，就可以知道每款產品既潔淨能力啦！
今次就係試左以下4支卸妝油同一支卸妝水！
而家就等我地逐一講解下每款卸妝產品既特點先。

水潤透亮潔膚油 $320 /250ml

成份含有杏核油、西柚提取物同滿天星提取物
可以溫和去除表皮舊角質，
有舒緩同補濕效能，落妝同時做到護膚同改善膚色。
呢支仲含豐富維他命C，亦可以改善肌膚光澤度
幫到敏感肌膚提高自我收復既能力架。

柔滑速效卸妝油 $120 /200ml

成份含有橄欖油同葡萄子油，
可以徹底卸除殘留污垢同彩妝，
仲可以令皮膚更加潤澤添。
另外， 仲加入左微細乳化技術，
濕手用都可以落得好乾淨架。

升級深層潔面卸妝油  ＄120 /200ml

含有高純度橄欖油同荷荷巴籽油，
可以好快卸到妝，
而親水性油份， 好快就會比水沖乾淨，
用完皮膚會好水潤唔笠。
更加用左以油去油既技術，可以深層清到黑頭同油脂架，
不過要注意係鼻翼位加以按摩，效果先會更加理想。

 Holika Holika 雪蓮花清爽潔淨卸妝油 $238/ 300ml

含取自植物種子嘅營養精華，有淡香味，
清潔肌膚之餘亦能舒緩壓力。
含雪蓮花萃取物，有效清潔毛孔，
以天然油脂代替對肌膚有害嘅礦物油，性質溫和。
質地清爽，唔黏膩。

LOVEISDERMA 深層卸妝潔膚液 ＄175/550ml

成份含瑞士阿爾卑斯山天然活泉水，
入面含有微量礦物質可以促進肌膚健康架。
呢支亦係多功能既潔膚液黎架，
除左可以卸妝潔膚外，亦可以當化妝水用，
有把抗氧化，舒緩同保濕功能添。

欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup