Christy:

呢款面膜係比較杰身既cream狀質地，
有好細微既磨砂粒子係入面，
仲有好清新草香味添。
呢個面膜敷一分鐘就攪掂架啦，
岩晒懶人既我呀!
圖中嘅份量大概可以搽到半面，
我主要清潔鼻位同面頰位置，
所以搽嘅份量比較多，
敷完就覺得塊面滑左，
鼻位都乾淨左好多添。

Fancl蜂王漿精華煥膚軟膜

主要成份有礦物鹽、西洋梨果汁發酵精華、
鮮蜂王漿精華、歐錦葵花精華、
豌豆花精華、鮮膠原蛋白及透明質酸。
不含防腐劑、殺菌劑、香料及礦物油等有害成份，
可軟化老化角質，改善粗糙肌膚，
令肌膚更水嫩同軟滑，
同時改善暗啞膚色，令肌膚更有健康光澤。
一般mask都唔可以敷喺眼周，
呢個mask係弱酸性，性質好溫和，
眼周同唇周都敷得架！
用5蚊銀嘅份量敷大概5分鐘就OK！

Karen:

質地係少少黏嘅gel咁，
要快手搽上面，因為都快乾身，
乾咗會好似一層透明薄膜咁，
大概敷5分鐘就可以，
敷完皮膚好軟好滑，唔會乾同繃緊，
本身皮膚乾嘅話，可以攞多少少份量，
唔係就會好快吸收晒好快乾，
以我乾性皮膚嚟講，敷5分鐘一定要洗面，
因為已經吸收得七七八八，
敷得太耐，效果反而冇咁水潤。
敷5分鐘就可以幫皮膚補一補，真係慳時間又方便。

敷完面膜就可以用toner 啦，
Toner 呢個步驟就一定唔可以skip,
特別敷完清潔面膜，
就一定要幫皮膚補番水份，
如果底層唔夠水份又會易出油架啦
介紹以下兩款都岩缺水皮膚用架！