主要成份有黃蘗樹皮精華、幼穗稻業精華、
歐錦葵花精華、豌豆花精華、鮮膠原蛋白及透明質酸。
不含防腐劑、殺菌劑、香料及礦物油等有害成份，
而且係弱酸性，性質溫和。
有補濕及緊緻毛孔功效，
令肌膚睇起嚟更細緻更滑，
只需用一粒豆嘅份量已經夠架喇，
薄薄咁塗喺毛孔粗大及油脂分泌旺盛位置。
精華露含油脂吸收粉末，
有助控制出油情況，改善面泛油光問題架。

Christy:

fancl呢個毛孔細緻精華，可以用係毛孔大既地方，
質地都好薄，
我鍾意用係Ｔ字位可以幫我控油，
而我都會用係鼻翼位，因為鼻翼毛孔都較大，
搽完摸落去就會滑番啲。
不過佢唔係遮毛孔makeup base黎，
呢類型既護膚品都要有啲恆心用先會見效架。
如果想即時修飾毛孔，上妝前就要搽番遮毛孔嘅product喇。

唔好以為暗瘡皮膚年青人先會有呀，
其他內外因素例如荷爾蒙變化、壓力、環境污染、卸妝潔面唔乾淨等
都會有機會形成暗瘡。
處理得唔好分分鐘會留疤同暗瘡印架，
所以有暗瘡一定要好好護理。

Estee Lauder全新推出兩款專為暗瘡皮膚而設嘅Clear Difference系列。
分別有控油淨肌抗痘精華及速效重點淨痘修護露。
兩款產品嘅親膚性配方性質溫和，
不含油分配方，不乾涸，不刺激，就算每日用都冇問題。
獨家三重淨痘修護技術含水楊酸、葡萄糖胺、及褐藻，
水楊酸同高濃度葡萄糖胺有助去取死皮，
保持毛孔暢通，減退暗瘡。
特別加入海藻精華、蔗糖同咖啡因，
有助減輕肌膚泛紅及舒緩因暗瘡引致嘅不適。
天然褐藻精華有效控油，幫助疏通被角質死皮阻塞嘅毛孔，
收細粗大毛孔。