今日我地幾位同事大家又推介我地覺得又平又好用嘅產品，
今次嘅推介除咗彩妝用品，仲有一D身體護理嘅產品。
唔講咁多, 大家快D睇下今倨月我地幾位同事有咩又平又好用嘅好物推介喇!

rene:

好多人都有買呢個牌子Tangle Teezer嘅梳，
而呢款梳主要係濕頭髮個時用，
因為好多人洗完頭後，啲頭髮就好易打cake，
之後用梳梳就會扯甩好多頭髮，
咁呢款梳就係可以避免你洗完頭，
過度用力拉扯而將頭髮扯甩，
所以好多人推薦呢把梳架！
不過呢把梳香港無得買，要上官網先買到，
而且價錢都要接近120蚊港幣先買到，唔算好抵！

但我有一日無意中係日本城見到呢款梳嘅平價版，
只需＄15 蚊！
佢嘅外表同功能，基本上都係差唔多，
不過啲齒就比Tangle Teezer硬身，
雖然硬少少，但用嚟按摩頭皮就非常舒服喇！
平平地用住先都唔錯架！

3 concept eyes 指甲油 #BE01

Karen:

應該好多人都用過3ce嘅products，
不得不提就係佢嘅指甲油啦。
非常快乾透，唔使搽top coat已經好“令”，
趕時間或者懶嘅話可以慳番一個step，
今次推介呢個色相信比較少人買，
因為見到呢隻好似concealer咁嘅色都唔會有好大興趣，
就算鍾意nude色嘅朋友都未必會試呢隻終極nude色。
但係估唔到一試之下又覺得幾OK喎。
我多數會搽兩層，因為鍾意實色啲，
平時OL返工唔可以搽啲咁顯眼嘅甲油，
都可以考慮下呢款，感覺幾斯文大方。
鍾意nude色嘅朋友亦不妨一試。

Christy:

ST.IVES 磨砂潔面膏 $36

大家都知道要定時用磨砂產品去死皮，
皮膚先會有光澤，之後搽既護膚品至會更加吸收，
但大家通常只著重面部磨砂，而忽略身體其他部份 ！
今次介紹既呢支磨砂我已經用左好幾支架啦，
貪佢價錢平質素都好好，
$36蚊就有大大支，
係萬寧就可以買到啦。

佢入面含有水揚酸幫助潔淨毛孔，
仲可以去除油脂污垢，減少黑頭粉刺形成。
用係面部同身體都得。
不過佢既磨砂粒子唔算好幼細，
但以佢咁抵既價錢都可以接受，
用佢黎做全身磨砂都唔會心痛呀!
最重要係磨完會覺得個身好滑架。

Yuki:

杏子油 髮尾油 $6x

我把爛頭髮真係染得太多，搞到髮質好差，
所以平時洗完頭就係一堆亂草咁！
所以如果有枝mist裝可以帶出街用就好方便，
就算趕出門口都唔驚亂到嚇親人喇。

呢枝杏子油味道有啲fresh，
雖然佢係帶油份，但可能係mist裝，
感覺比較似水，唔會油淋淋咁，
噴幾噴用梳梳返啲順頭髮之餘，
仲可以全日防毛燥，
價錢只係六十零蚊，好抵用。

Una

HEROINE MAKE 纖幼眉筆(自然啡色) $49

早前自己手多多抆多咗眉尾部份嘅眉毛,
搞到眉尾有少少斷眉情況,
平時用開嘅牌子唔夠幼細, 想眉尾部份勾畫得靚D都好難!

所以有日行過莎莎見到呢支眉筆咁幼又咁平就買咗嚟試下喇!
支眉筆筆芯真係好幼, 好容易就畫到眉尾比較幼嘅地方

而且非常防油, 所以大家用佢嘅時候記得眼眉位置嘅肌膚係清爽先好畫,
如果眉位皮膚太油會好難上色架!

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或Like我們的Facebook專頁：
www.facebook.com/janicelammakeup

（版權所有，未經同意不得轉載。)