愈來愈近聖誕，就愈多X'mas collection出場！
上兩次介紹嘅collection唔知大家入手未呢？
定係而家仲忍得手？！
今次介紹嘅品牌走高貴華麗路線，
一個字：靚！
睇下又吸唔吸引到你啦！
Shiseido Makeup Sparkling Party Palette(Limited) $490
呢個Palette嘅設計好特別，
成個鑲咗寶石嘅clutch bag咁。
雖然唔係真嘅寶石，但就咁睇都覺得好Grand架。
啲寶石顏色仲係Palette裡面彩妝品嘅顏色添。
size都算適中，好似長型銀包咁上下，
裡面有齊眼影、胭脂、光影、眼線、唇蜜，
裡面仲有埋鏡，補妝就好方便啦。
A：霜狀配方，胭脂、咀唇兩用，
B、C：啡色、金色眼影
D：光影霜，亦可作眼影底霜，
E：墨藍色眼線
F：珊瑚粉紅，用作胭脂，塗薄薄一層可增加面部光澤
迷你Lacquer Rouge、Lacquer Gloss連埋咀唇吊飾，
兩款都係大路嘅顏色，就算送比朋友都一定啱用。
如果平時唔多化眼妝嘅朋友，可以考慮以下呢一set架。
Embellishing Winter Collection冬日炫彩組合 ＄880
一盒有四樣配件，包括限定金色珠片粉盒、
限定版Fragrance Jelly、Essence Glamourous Rouge Neo，
仲有塊金色珠片鏡添。
True Powdery UV SPF25 PA++連冬日限定閃爍粉盒
粉底厚度只有0.01mm，效果透薄，
能均勻膚色，妝效持久。
Essence Glamourous Rouge Neo 6g
彈力精華液質唇膏有記憶塗層，
有效修飾唇紋同粗糙咀唇，
令睇起嚟更潤澤飽滿，效果持久。
尖頭嘅唇棒設計可以輕易勾畫唇形，
就算冇唇掃都可以塗到難畫嘅唇角位。
Fragrance Jelly 80ml
啫喱狀嘅香氛塗勻後會變水狀，唔會痴笠笠架，
有好香嘅花果味，甜甜地，帶少少閃令令，
塗喺鎖骨或者手腳位置，吸引力即時up!
cle de peau beaute限量版節日彩粧「宇宙之美」系列，
特別邀請英國著名設計師品牌SWASH London合作，
設計咗多款關於「永恆」、「光芒」、「真正美麗」等概念嘅圖案，
大家可以見到今次嘅包裝比起以往華麗造型有不一樣嘅感覺，
就好似宇宙夜空咁有種神秘、浪漫嘅感覺。
Makeup Coffret 炫麗彩粧套裝 $1,500
套裝包括眼影胭脂組合、唇膏及睫毛液。
眼影方面有深中淺嘅啡色組合，輕易打造出眼妝層次感，
含Optical Color Pearl光彩珍珠，以彩色珠光及色素成分組成，
有光反射嘅時候就更加閃令令！
就算不同深淺嘅眼影重疊，都唔會顯得暗沉架。
右面兩格就係珊瑚粉色嘅胭脂，
含珍珠幻彩色同柔膚成份，
增強面部立體感之外，皮膚睇起嚟仲好有光澤添。
呢個Palette嘅顏色好易襯，
無論白皙或健康膚色都啱用呀！
Perfect Lash Mascara 深黑色 4.4 ml
新設計獨有方頭刷，能輕易抓住睫毛，
營造濃密而根根分明嘅效果。
Extra Ruch Lipstick Ruby Red 2.5g
含修護成份及結合Light Control Powder嘅唇膏，
有滋潤效果，睇起嚟有柔和嘅光澤。
仲係今季大熱嘅紅色系添，
唇膏扭出嚟好似鑽石形狀咁，
配合番品牌一貫嘅高貴形象。
Shimmering Lip Gloss Trio $380
由左至右：
Berry Nebula
Brownish Meteor
Orange Planet
一盒有齊三種唔同嘅色tone，非常實用！
含光澤油配方及紅色珠光配方，
能增加唇部光感，
有少少微閃粉，但效果又唔會誇張。
計番只係百幾蚊一支lip gloss，超抵！
Powder Compact $480
含透亮薄膜配方及金色珠光配方，
質感幼滑，薄薄一層就可以提升肌膚光亮度。
粉盒設計好特別，裡面嘅花紋圖案真係靚到唔捨得整花佢!
Paul & Joe 聖誕星光彩妝組合 $550
一套3件產品包括胭脂唇霜、眼影組合及化妝袋。
每次推出限量特別版嘅產品同化妝袋pattern總令人愛不釋手!
今次以花花為主要圖案，顏色特別，
除咗靚之外仲非常實用添!
#002 Wishing on a Star
由深淺啡色構成嘅星星圖案，
輕易就做到富層次感嘅眼妝。
胭脂唇霜兩用配方，一支搞掂晒，
塗少少就可以營造柔和嘅紅潤效果喇。
金光閃閃嘅Dior聖誕系列，
純色同金色互相襯托，
感覺非常高貴華麗。
Diorific Golden Shock Illuminating Pressed Powder #002 Pink Shock $690
有好特別嘅矩形玫瑰壓紋，
呢款淡玫瑰金色適合較白皙嘅皮膚，
掃喺前額、鼻樑、下巴、面頰位置，
令面部輪廓更突出，皮膚更有光澤。
Diorific Golden Shock Colour Lip Duo #002 Enchanting Shock $305
全新雙色唇膏，一邊係matte色，
另一邊就加咗點點金光嘅唇色。
一支唇膏可做到幾款不同效果。
想要啞緻效果可以單搽，
如先塗啞色唇膏再加閃爍色，
可豐富層次感，令唇部更飽滿。
左：Diorific Golden Shock Gold Leaf Effect Top Coat #001 Golden Shock $230
右：Diorific Vernis #990 Smoky $220
兩款甲油顏色係好強烈嘅對比，
單搽右面嘅深紫色，或用嚟塗於底層，
on top再加好似一片片金葉嘅面油，
就已經好靚喇!
平時好常見有微閃粉或者大粒閃片嘅甲油，
好少見呢款大片不規則形狀嘅閃片，
所以值得收藏架!
由指甲油＄220起到唔同價錢嘅christmas set都有，
大家可以因自已嘅budget去選擇啦！
如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook
（版權所有，未經同意不得轉載。)
| 
