早前網上流傳日本一個整蛋包飯既video，
半流心蛋皮切開後包住整個炒飯，
再加上熱辣辣醬汁，真係不得了！

上星期我就跟朋友去左ABC Cooking Studio上trial班，
Trial班有4款選擇，網上只有3款show出黎，
因為佢地新加左漢堡扒，我一早預約左整蛋包飯無得試添！

雖然個蛋包飯唔係好似video咁誇張，
但同樣都好好食，塊蛋皮好滑好好味！

之前已經有好多朋友仔去左ABC學整野食，
睇到我成日對住個mon流口水，哈哈，
今次有機會落手整，真係好開心呀！

佢地既course分4類﹣料理、麵包、蛋糕同和菓子，
我自己就對料理比較有興趣，
料理入面主要係分2類﹣日本料理同國際料理，
咁我就梗係想學日本料理啦！

講返整野食當日，一去到要同staff登記返，
如果係有朋友帶去，可以即時like facebook page扣減 $80，
即係$200就可以試到trial班，好抵！
登記完之後，staff就會安排一位cooking teacher，
我同朋友兩個人一張料理台，小班教學就更易上手。

佢地一早預備好晒所有材料，
整野食之前會派圍裙，亦有洗水盆比大家清潔好先開始。
開始時，導師會講解一次成個流程，
跟住就可以逐個step去跟住做，
我覺得好有讀中學時上家政堂既感覺呀，
以前都係最鍾意上家政，學整野食好好玩。

呢個蛋包飯分3 parts，
最主要係個蛋皮，仲有醬汁同炒飯。

我同朋友兩個分工合作將啲材料切好，
如果無學過煮野食都唔緊要，
因為導師都會教你正確既切野手勢、技巧等等。

材料準備好就可煮牛肉汁同炒飯，
我地一個煮汁，一個炒飯，
呢兩個步驟其實都唔難，
因為導師都會follow住，提你要落幾多調味料，
好快就完成左呢兩樣野啦∼

完成好既炒飯就可以分兩份放上碟，
用保鮮紙包裹返個橢圓形狀，
醬汁就備用，等最後先落。

        最最最緊張既時刻到啦－就係要整蛋皮！
呢個步驟係可以自己煎返自己個塊，好好玩。
睇下！隻蛋色幾靚！

其實我好驚篤穿佢會搞到唔靚，都唔敢太大力。
導師話可以隨自己喜好食熟啲又或者生啲，
我自己就鍾意生啲，因為會滑啲。

煎好塊蛋皮就可以即時「冼」返落個炒飯度，
哇∼呢個步驟真係好難！
本身個煎pan都重，一路整落去一路驚整爛。

最後有驚無險完成左！
雖然有啲位都係穿左，不過加埋醬汁就perfect∼

DONE！

由於係trial班既關係，熟食係要即時食左佢，
我同朋友都特登留肚等煮完當lunch食。
個蛋真係勁滑勁香，加埋汁同炒飯，
成個飯都好好味！

丫！漏左講右上角果個小沙律，
其實好簡單，只要新鮮菜加上沙律汁就ok！

如果你地都有興趣，都可以同朋友仔一齊去試下上堂架。
網址：http://abc-cooking.com.hk/

如欲取得更多第一手美容及扮靚資訊
可瀏覽Girls Talk Main Blog：
Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)