送聖誕禮物比人就最忌唔實用啦，
上次就同大家介紹左聖誕妝物既推介，
一班姊妹都話靚到嘩嘩聲呀！
不過我都知道唔係每位朋友都會化妝，
但係就算唔化妝護膚步驟都係唔懶得架。
今次就會有唔同既護膚品set介紹比大家啦！

今個聖誕CYBER COLORS就同英國倫敦著名插畫家Fifi Lapin合作，
推出左全新CYBER COLORS x Fifi Lapin限定系列。
呢個盒整到成個行李箱咁，真係好有心思，
一齊睇下入面有啲咩啦！

今次眼部卸妝液同潔面油既樽身都印有行緊catwalk既兔仔，
真係非常可愛呀！
入面分別有限定版既眼部卸妝液，
玫瑰洋甘菊卸妝油同淨化卸妝潔面油。

另外，佢地亦推出左持久明眸眼妝組合，
有限定版輕便化妝袋，持久柔滑防水眼線筆，豐盈鬈翹防水睫毛膏。

個化妝袋細細個，唔鍾意帶咁多化妝品出街既你就岩曬啦，
可以裝支eyeliner出街補下妝！
一樣印有Fifi Lapin真係好可愛度爆登。

如果平時鐘意拎多啲化妝品既朋友就可以考慮呢個化妝袋，
形狀四四方方都裝到幾多野架！
係莎莎買cyber colors 產品滿$350就可免費獲贈啦。

大家估唔估到呢個係咩黎呢？

其實係個環保袋黎架！
個袋係麻布質地，唔會太軟身，
個size大細岩岩好，又可愛又實用。
而家只要係莎莎買cyber colors既產品滿＄450就可以免費得到佢啦!

Bliss Rock the Party 派對急救煥膚禮盒 $495

聖誕節大家一定好多party去啦，
今年bliss就好貼心咁準備左個救急護理set比大家啦!

入面有流線胖女孩纖體乳霜、三重氧氣活膚急救面膜、三重氧氣活膚急救眼膜
及特強滋潤護手霜。

聖誕節大家一定會大魚大肉食餐好架啦，
食得太鹹或者重口味既食物都會易出現水腫架！
呢個cream含有咖啡因促進循環同脂肪分解，
亦可刺激淋巴腺排水功能添。

眼膜紙同精華液都分別存於包裝盒獨立既分隔內， 確保新鮮。
而入面含蘊含 3 種亮眼成份：
活性氧氣、抗氧化維他命 C 及擊退眼腫之青瓜萃取物，
敷15 分鐘對眼回復明亮緊緻，
為疲勞眼晴充充電啦！
用埋個set入面既氧氣活膚急救面膜同特潤hand cream ,
就可以靚住去party啦！

Origins今年推出咗好多X’masSet呀
其中一套就係佢啦！

Moisturize And Be Merry保濕修護輕便套裝 ＄590
肌膚不分晝夜都需要保濕，
如果唸住聖誕去外地旅遊我就推介呢set護膚品比大家啦﹗
一套齊集Make A DifferenceTM系列中既基本護理產品，
包括潔面奶、升級版肌膚再生修復活膚水、精華以及護理霜，
以荔枝精華、西瓜精華及紅紋石萃取組成突破性「高效能儲水複合物」,
配方配合皇牌成份復活草，
就可以解決肌膚深層缺水問題，
仲可以促進修復受損及缺水既肌膚添。

Origins與同樣有高度環保意識嘅美國高級時裝品牌Nanette Lepore合作，
推出以100%回收棉製造嘅限量環保化妝袋，
買一支Plantscripion悅肌再生逆齡抗皺精華就可以擁有佢喇。

而呢個限定版既手挽袋都一樣好實用，
無論用黎去街定shopping都好good呀!

Dr Bauer 金炫活研生肌胎盤套裝
呢個set入面就有胎盤肌底液,胎盤面霜同胎盤眼膜三樣皇牌產品。

之前都有同大家推介過Dr Bauer既肌底液，
佢含有好多種草本保濕成份,可以激活肌底膠原蛋白,
提高表皮水分循環,可以喚醒老化肌膚架。

活研生肌胎盤面霜可以促進同修復肌膚細胞機能,修補同強化膠原纖維,
改善粗糙肌膚,令毛孔變得好細緻,
質地比較rich，而家天氣咁乾就好岩用啦！

聖試晚晚咁多party去，黑眼圈就好快會出曬黎，
呢個胎盤眼膜就好岩用啦！
佢含有多重滋潤複合物,
可以即時融入眼周脆弱組織,高濃度保濕,
可以幫助改善黑眼圈,擊退浮腫眼袋添。

Neal’s Yard Remedies
REFRESH-Geranium & Orange Organic Body collection $620

Neal’s Yard Remedies 既花水就非常出名，
好多朋友都係佢既粉絲！
而今個聖誕佢地都出左幾個唔同既禮盒套裝呀！

呢個套裝絕對係實用之選呀！
入面有天竺葵香橙沐浴露、天竺葵香橙身體乳同天竺葵香橙護手霜。
沐浴露簡直係消耗品，
真係送比邊個都岩用架！
而家天氣咁乾body lotion同hand cream就一定要用架啦，
就算平時唔化妝既朋友送比佢都好岩用，
一打開就聞到好香既橙味，好Fresh呀！
鐘意清新味道既朋友就可以考慮下啦。

如欲取得更多第一手美容及扮靚資訊
可瀏覽Girls Talk Main Blog：
www.girlstalk.hk/blogs
或 Like我們的Facebook專頁：
www.facebook.com/janicelammakeup
（版權所有，未經同意不得轉載。)