揀一隻適合自己既面霜係好重要，
如果太清爽，可能會缺水搞到甩皮；
如果太滋潤，可能又會太油令搞到爆瘡，
要平衡面部水油分泌，適當護養肌膚，
就要因應個人需要去選擇，
今次我地就精選左７款唔同品牌新出既面霜，
睇下有無邊一款岩你啦∼

fresh/ LOTUS YOUTH PRESERVE FACE CREAM 50ml $465 ($9.3/ml)

呢瓶「睡蓮青春活膚系列」面霜蘊含Super 7全效複合成分，
係由睡蓮、楊桃、無花果、洛神果等萃取精華成分配製，
可以24小時持續高效補充水分、抗氧化及預防初現衰老徵狀。

水潤度：★★★☆☆
滋潤度：★★★☆☆
香味：★★★☆☆
性價比：★★★☆☆

由於fresh呢個係日霜，所以都唔會話太滋潤，
質地亦唔係黏稠既cream狀，
搽上手推開後好水潤，好快吸收晒，而且唔會痴笠，
皮膚表面立即變得柔軟、舒服，
適合混合性或混合性偏乾既膚質。
味道係淡淡既果香，感覺都好舒服。

L'OCCITANE/ Shea Light Comforting Cream 50ml $305 ($6.1/ml)

呢瓶乳木果輕盈滋養保濕面霜蘊含左奧米加6脂肪酸同乳木果烴脂，
可以高效保濕、滋潤皮膚，保護肌膚免受環境因素侵擾。
當中乳木果油有滋潤柔滑既功效，
使用後肌膚會變得細緻、飽滿、有光澤。

水潤度：★★★★☆
滋潤度：★★☆☆☆
香味：★★★★★
性價比：★★★★★

呢個系列其實係有兩種唔同質地，分別係Light 同 Ultra，
而我試既呢隻係比較輕盈既light，
感覺係水潤多於滋潤，質地亦比fresh更偏向水潤，
搽上手之後吸收得好快，皮膚表面有水感爽身，
適合混合性皮膚既人。
佢既味道係好似BB爽身粉味，呢隻香味相信女仔都會好鍾意。

DOLCE & GABBANA/ AUREALUX CREAM 50ml $1140 ($22.8/ml)

流金璀璨全效面霜主要提供補濕、亮澤功效。
Aurealux系列蘊含提煉自金黃絲膠蛋白而成的Gold Flavo-Silk Tricomplex，
有助提升肌膚的角質層水分含量。
另外亦有其他珍貴萃取物，強化表層肌膚結構及增強補濕效果。

水潤度：★★★★★
滋潤度：★☆☆☆☆
香味：★★★☆☆
性價比：★★☆☆☆

一打開發覺佢既質地好特別，係好似蠟狀咁，
要用附送既小刮去刮小部分出黎，
但係搽左上手之後係十分水潤，而唔係滋潤，
亦係咁多個面霜之中最水質同最爽身。
適合油性皮膚既人。而佢既味道係淡淡既清香。

WELEDA/ Smoothing Facial Lotion 30ml $428 ($14.2/ml)

WELEDA採用既係天然無添加植物精華，
其中既野玫瑰萃取物含有維他命A、C、E，
有高度抗氧化效果，更可保濕、美白、淡斑，預防細紋。

水潤度：★★☆☆☆
滋潤度：★★★★☆
香味：★★☆☆☆
性價比：★★☆☆☆

呢枝cream既質地相對其他日霜比較潤身，
搽上手之後感覺到皮膚面層有一層gel狀咁，
適合混合性偏乾性同敏感既膚質，
而且佢仲可以用作妝前base。
味道係比較濃既玫瑰花味，鍾意玫瑰花嘅朋友就啱晒喇。

ERNO LASZLO/ Transphuse Line Refining Cream 50ml $2480 ($49.6/ml)

呢瓶全效去紋再生膠原面霜蘊含4個強抗皺因子，
促進細胞營養輸送，協助修復老化細胞，同時激活膠原再生，
重點減幼紋、皺紋，緊緻及提升，
另加入抗氧化、抗炎元素，全面對抗衰老問題。

水潤度：★★☆☆☆
滋潤度：★★★★☆
香味：★☆☆☆☆
性價比：★☆☆☆☆

呢個cream質地比較 rich，不過搽上手無油膩感，
而呢個cream吸收後都唔會痴笠，
由於佢係重點抗衰老，所以適合成熟年齡乾性肌，
佢既味道比較獨特，有啲似細個時媽咪用既雪花霜。

ORIGINS/ Make A Difference Overnight hydrating repair Cream 50ml $410 ($8.2/ml)

升級版既night cream除左含有經典修護皇牌復活草，
仲特別加入「高效能儲水複合物」如荔枝、西瓜精華及紅紋石萃取等，
製造天然保濕因子，高效保濕，令肌膚回復柔軟、有光澤。

水潤度：★★★☆☆
滋潤度：★★★★☆
香味：★★★★★
性價比：★★★★☆

一般晚霜既質地都比較rich，呢個都唔例外，
不過佢油潤得黎，滋潤度足夠，而且容易吸收。
上手推開後比其他一般晚霜薄，唔會有黏笠感。
另外佢有淡淡類似西柚既香果味，味道清新討好。

CLINIQUE/ repairwear sculpting night cream 50ml $540 ($10.8/ml)

CLINIQUE獨有骨膠原網絡科技，連繫肌膚骨膠原組織，緊緻肌膚。
另外亦刺激天然骨膠原製造，令肌膚緊實飽滿，重拾肌膚回彈力。
白樺木萃取及維他命C抵禦外來環境及自由基侵害。
而巴西棕櫚乳脂和亞麻油酸可滋潤補濕，預防缺水。

水潤度：★★★★☆
滋潤度：★★☆☆☆
香味：★★☆☆☆
性價比：★★★☆☆

呢個白色乳霜狀既質地無一般晚霜咁rich，
而且感覺好滑，好快吸收，唔會有油膩感，
如果怕晚霜太過滋潤，呢隻就岩晒啦，可以重點補水，
本身皮膚缺水嘅朋友就啱用喇。
呢個晚霜無任何香味，無添加化學成分，
所以非常適合敏感肌膚既朋友。

如欲取得更多第一手美容及扮靚資訊
可瀏覽Girls Talk Main Blog： Girlstalk Blog
或 Like我們的Facebook專頁：
Janice Lam Makeup Workshop Facebook

（版權所有，未經同意不得轉載。)