夏天就黎到喇，又熱又焗嘅天氣，
如果繼續用秋冬嘅粉底，有機會好易溶妝，
係時候物色下適合自己嘅新粉底喇。
今次就同大家介紹一啲質地比較清爽嘅粉底，
當中有防汗、防油、long keep、亮白功效，
大家可按自己需要去選擇喇。
RMK Casual Solid Foundation $490 (每套)
「Base Color」SPF 38 PA+++ HK$180
「Pearl Color」SPF 38 HK$180
專用粉盒 (附摺疊式迷你粉餅掃) HK$130
含植物性保濕成分酸橙果皮精華同山桑子精華，
及修護成分向日葵花籽油同杏仁油，滋潤肌膚。
雙色設計特別，一邊係base color，
另一邊係pearl color，可自由配搭。
質地係膏狀嘅foundation，質感好滑，
帶珠光嘅pearl color可以用喺highlight位置，
增加輪廓感同光澤感，效果好透薄自然，
令皮膚睇上去滑啲，base color有均勻膚色效果，
屬低度遮瑕，啱晒喜歡光澤感底妝嘅朋友。
均勻度：★★★☆☆
貼服度：★★★☆☆
遮瑕度：★★☆☆☆
毛孔細緻度：★★★☆☆
JILL STUART Everlasting Silk Powder Foundation Flawless Perfection SPF23 PA++ $420
粉體能令光線折射時有柔焦效果， 令毛孔不顯眼，
同時改善膚色不均問題。 手袋仔嘅包裝真係好靚，
相信好多女仔見到都會好鍾意！
質感透薄貼服，好自然， 中度遮瑕，
均勻膚色之餘亦可改善泛紅位置。
適合喜歡透薄裸妝嘅朋友。
均勻度：★★★★☆
貼服度：★★★★☆
遮瑕度：★★★☆☆
毛孔細緻度：★★★☆☆
Primavista Powder Foundation <Long Keep> SPF25 PA++ $390 (粉餅連限量版粉盒)
和風織錦設計嘅粉盒以花花圖案為主，
喜歡日本風嘅女生必定大愛。
亮顏粉體有助提亮膚色，遮蓋凹凸瑕疵之餘，
增加肌膚透亮度，令肌膚睇起黎更光滑。
貼服粉體EX質地幼滑，粗糙、缺水皮膚使用都可做到貼服效果，
難上粉嘅位置比如眼角、鼻翼等都可以緊貼，
Keep住底妝貼服10小時不變色。
質地好透薄，中度遮瑕， 可以均勻膚色，
鼻翼等多紅印嘅位置都修飾得幾好。
感覺清爽，啱晒易出汗出油嘅朋友。
均勻度：★★★★☆
貼服度：★★★★☆
遮瑕度：★★★☆☆
毛孔細緻度：★★★☆☆
LANCOME 昇華再生精華粉餅 $870
含柑橘及山茶花滋養油成分，化妝同時護膚，
亮膚粒子在光線折射下令肌膚更透亮，改善暗啞膚色。
佢嘅粉質好滑，印上面好薄好貼，
真係好似冇搽粉咁自然，
而且遮瑕度高，紅印、暗瘡印都遮得到，
仲可以令毛孔冇咁明顯，令皮膚睇上去更加細緻同滑啲，
上幾層都唔會感覺厚粉，亦唔覺得乾。
均勻度：★★★★★
貼服度：★★★★★
遮瑕度：★★★★☆
毛孔細緻度：★★★★★
Shiseido Sheer and Perfect Compact $355
利用獨家補色光學技術，加上光學亮粧粉末同絲亮炫滑配方，
可以均勻膚色，令肌膚有自然光澤感。
呢個色號太深唔啱膚色，所以我地focus係其他方面。
可以試到佢嘅粉質好幼細，而且好貼面，
完全冇乾同“kick"粉問題， 遮瑕度屬中度，
因為都見到本身有紅印嘅位置都變得同膚色一致，
可以均勻到膚色同遮蓋部分瑕疵。
均勻度：★★★★☆
貼服度：★★★★★
遮瑕度：★★★☆☆
毛孔細緻度：★★★☆☆
M.A.C. Lightful Marine-Bright Formula SPF25 PA+++
Marine-Bright Formula由三款含氨基酸同維他命C嘅海藻精華組成，
加上Super-Duo Charged Water保濕成分，
打造透薄自然底妝。
質地好薄身，妝感自然， 中度遮瑕度，
一般泛紅位置、紅印都改善到，
而且唔會厚粉，亦覺得唔乾身。
面部有些少瑕疵但又想要自然修飾效果嘅朋友可以試試。
均勻度：★★★★☆
貼服度：★★★★☆
遮瑕度：★★★☆☆
毛孔細緻度：★★★☆☆
| 
