Janice Lam (Makeup Artist)
janicelam
暱稱: Janice Lam
性別: 女
國家: 香港
« September 2019 »
SMTWTFS
1234567
891011121314
15161718192021
22232425262728
2930
最新文章
新手化妝師入行小tips
10個上妝Do’s & Don...
來∼看看今年流行過的...
[ Fashion Gossip ] 今...
熟齡護膚品試用
文章分類
全部 (681)
每月文章
訪客留言
最近三個月尚無任何留言
最近訪客
最近沒有訪客
日誌統計
文章總數: 681
留言總數: 35
今日人氣: 0
累積人氣: 165434
RSS 訂閱
RSS Feed
學生分享天地﹣Chloe, 由Designer踩過界當化妝師~
2013 年 9 月 24 日  星期二

 

 

大家好,我係同學仔Chloe,
好開心今次可以為
Janice Lam Makeup Workshopsharing blog!!!

之前睇雜誌同電視,有講化妝師幫model化妝,
覺得佢地好勁,自己就閃過一個念頭:
從未試過同其他人化過妝,好似好有挑戰性咁 ,
自己同自己就成日化妝,
究竟同唔同人化妝係點呢
?!





所以就周圍搵搵搵 ,見到d化妝學校學費有平有貴,
都唔知揀邊間好,又驚揀錯會sided…..
之後,搵到Janice Lam Makeup Workshop,
當時佢新開冇幾耐,亦都知道Janice Lam都幾出名,
而佢有唔同牌子0既化妝品、護膚品供應學生用,
咁就唔怕要用好多錢去買化妝品啦,又好似唔錯喎,
咁就報左人生第 一個化妝課程 -- 
Professional Basic Make-up Course….
雖然係basic,但原來一d都唔簡單,
從底妝、遮暇、sharing、日妝、晚妝等等……
唔同人0既輪廓都好唔同,化自己同化人地分別都幾大下,
好有挑戰性呀。



自己本身係做同design有關0既工作,
都中意畫畫,覺得化妝都幾似畫畫,
塊臉就係一張畫紙,不過就變左3D….哈哈!!!! 
上完basic班之後發覺自己越黎越有興趣,
之後就報讀埋Professional Advance Make-up Course,
advance
班果然係難好多,不過越黎越有挑戰性呀!!!!
有剔眼線+紅咀、skin care妝、年代妝、
大眼妝、韓妹妝、creative妝等等… .
model化完之後都話好靚
(聽到人地讚,真係好開心好有滿足感,哈哈!!!)

 


 




Janice出名好注重底妝之外,
每次見到我都會問:有冇練妝 ??
要勤力d練下妝,唔練真係會生疏架!!!!!  
知道知道,真係要練多d先得
!!!!><

 

另外,我都有跟Janice出過outjob,
雖然化妝都係Janice搞掂,我負責幫下手執頭執尾,
但佢都比機會我幫model搽下skin care,base,搽咀,遮暇,
痴假眼睫毛,夾粟米,set丸子頭等等….
好開心呀
!!!!!亦都大開眼界,
原來一個化妝師都要兼顧好多野….
總之唔好怕蝕底就得!!!!!
Janice真係好勁,好快手可以換妝
@.@

 


雖然離化妝師依條路仲好似好遠咁,
但只要比多d心機就一定會成功 ,
各位同學仔,我地一
齊努力啦~~~~

 

分類: 未分類
發表時間:2013-09-24 04:40 PM  [ 訪客留言(0) ] [ 編輯日誌 ] [ 分享至FACEBOOK ]


準新娘作戰秘笈之(5) - 籌備婚禮時間表
2013 年 9 月 22 日  星期日

 


之前連續幾個禮拜都教各位準新娘點扮靚

其實,扮靚固然好重要,但籌備一場婚禮

除咗要靚之外,仲有好多好多嘢要準備咖

究竟由求婚到結婚之間呢一年半載之間

一對準新人係需要做啲乜嘢咖呢

今個禮拜,我地就將呢啲步驟詳細列出嚟

各位準新娘只要跟住呢個時間表,逐件任務去KO

咁籌備一場婚禮,其實都唔係咁難咖咋

 

 

婚前一年至九個月

1. 第一件要做嘅事,當然係求婚啦!

2. 之後就要通知雙方家長,安排家長見面。

3. 擇日。

4. 擬定開支預算。

5. 同時要决定各項開支由邊一方負責。

6. 有需要嘅話,呢個階段亦可聘請婚禮統籌師。

7. 決定婚禮形式。

8. 預訂婚禮地點。

9. 預訂婚宴酒席。

10. 查詢婚紗攝影同婚禮拍攝。

11. 雙方商量聘禮同禮金事宜。

12. 諗下自己個婚禮形象,開始留意婚紗禮服款式。

13. 擬定護膚同Keep Fit計劃。

14. 安排新居。

15. 決定蜜月目的地。

 

 

婚前九個月至半年

1. 預約證婚律師。

2. 四出試婚紗、裙褂同晚裝。

3. 預約婚禮攝影。

4. 訂造或租借新郎禮服。

5. 預約場地佈置。

6, 選購結婚戒指。

7. 尋找化妝師同試妝。

8. 計劃蜜月旅行嘅預算同行程。

9. 檢查護照有效期兼申請簽證。

10. 邀請工作人員,組織兄弟姊妹團!

11. 訂花 (花球、頭花、襟花、佈置花飾)

12. 拍攝婚紗相。

13. 設計同印製喜帖。

14. 進行婚前身體檢查及輔導。

15. 如有需要,可預約大妗姐。

16. 排期註冊。

 


婚前半年至三個月

1. 選定婚紗相,以便放在婚宴場地。

2. 選購過文訂、過大禮物品,並準備嫁妝。

3. 預約婚禮當日攝影同錄影。

4. 預訂回門燒猪及安排當日午膳。

5, 訂製姊妹裙。

6. 訂製回禮小禮品。

7. 籌備兄弟姊妹團聚會。

8. 訂製結婚蛋糕。

9. 預約花車。

10. 買餅卡。

 


婚前三個月至一個月

1. 確定賓客名單。

2. 確定工作人員名單。

3. 擬定結婚程序表。

4. 擬定婚禮、婚宴座位表。

5. 婚紗、晚裝、裙褂、禮服最後試身及修改。

6. 購買簽名冊。

7. 準備利是封。

8. 派帖,留意女方要附有餅卡。

9. 選購配飾,包括頭飾、頭紗、手套、首飾。

10. 購置新娘內衣同束褲。

11. 買新娘鞋同新郎鞋。

12. 買禮物俾伴娘伴郎同兄弟姊妹團。

13. 訂購蜜月機票酒店。

14. 購買傢俬同新居用品。

15. 請婚假。

16. Facial

 

 

婚前一個禮拜

1. 確定婚書。

2. 確定婚宴菜式。

3. 執拾家居用品,準備搬入新居。

4. 通知有關人士出席婚禮綵排。

5. 搵一位好友喺結婚當日負責幫新娘攜帶私人物品。

6. 舉行兄弟姊妹團聚會,並送禮物俾佢地。

7. 檢查所有婚禮,婚宴用品,以免掛一漏萬。

聯絡花店安排取花時間。

9. 最後確定化妝師、攝影師、花車司機等。

10. 擬定婚禮當日用品清單。


婚前一天

1. 電話提醒賓客、工作人員同大妗姐。

2. 分發婚禮程序表同座位編排圖表予工作人員。

3. 向家長同工作人員講解當日程序以及各人職責。

4. 備妥費用(留意部分服務只接受現金)。

5. 取婚紗禮服。

6. 取花球、頭花、襟花、佈置花飾 。

7.去美容院修眉、修甲。

8. 佈置婚禮同婚宴場地 。

9. 收拾一切婚禮用品。

10. 準備熨斗、熨板、鏡、針綫。

11. 預備敬茶用品。

12. 執拾旅行裝備、證件、機票。

13.提醒化妝師、髮型師、攝影師準時到達。

14. 輕鬆沐浴,由大妗姐或長輩為新人上頭。

 

 
By Brides Talk

分類: 未分類
發表時間:2013-09-22 01:18 PM  [ 訪客留言(0) ] [ 編輯日誌 ] [ 分享至FACEBOOK ]


令雙眼明亮之 ﹣ 眼睫毛液系列
2013 年 9 月 21 日  星期六

 


IMG_7461

 

大家都想自己對眼大啲明亮啲架啦,

所以今日就為大家介紹各品牌新出嘅mascara,

 

包括有Chanel, HR, Laneige, Maybelline, Max factor同Za
每款都分別搽咗一層同兩層嘅效果俾大家睇!
Line-65


Chanel Le Volume De Chanel Mascara $285

 


CHANEL今次有獨家專利的刷頭,

刷毛圓盤層疊而成架,

就呈現雪花咁嘅形狀

 

所以掃咗一層已經好更纖長同豐盈!
IMG_7289
而且仲有快乾成份,

咁就減少咗mascara 未乾

 

而唔小心整污穢個眼妝喇!

IMG_7418

 

 

分別搽咗一層同兩層嘅分別

 

其實呢支mascara,搽咗一層已經有好纖長嘅效果!

再搽多一層就可以增加濃密效果!

個掃頭都易掃,唔會有甲甴腳!

而且個捲曲度都唔錯,唔會有drop嘅情況!

又容易卸,真係幾讚!


IMG_7455

Line-65


HR Surrealist Everfresh Mascara Smudge Proof $500

 

大家都試過支mascara未用完就已經就乾咗,

而HR推出咗一支“不乾涸”嘅mascara。

由第一次用到最後一滴,都唔會乾。

而且配方有高濃度乳膠聚合物,

形成柔軟又有彈性嘅保護膜!

IMG_7294

 

眼睫液質地係好濕潤,可以包住每條眼睫毛,

營造嘅效果比較濃密同豐盈,

而且個掃頭細,好易掃唔會整污穢個眼簾,

 

絕對好岩眼睫毛比較稀疏嘅朋友!
IMG_7450

IMG_7454

 

而卸妝時候佢就要用水油remover敷耐少少,

不過都係一次就可以卸哂出嚟!

 
IMG_7456
Line-65

IMG_7280

Maybelline Volume' Express The Rocket $129

 

Maybelline每季都會出新嘅mascara不斷改進

而今次呢支mascara係用咗防結順滑掃頭,

同柔軟有彈性嘅凝膠去造嘅刷毛。

再加埋獨加研製嘅順滑凝膠配方,

 

可以令到眼睫毛分明得嚟又濃密!

IMG_7286

大家可以睇下個掃頭,真係好有彈性架!

 

雖然無chanel出嚟個效果咁誇張,

 

但都令每條眼睫毛都好分明,
IMG_7348

想睇落去濃啲就搽兩層就得,

而且都係無drop架!

個掃頭可以將每眼睫毛好平均搽滿,

 

出嚟個效果好自然!
IMG_7358

仲好易卸,用水油remover敷一陣就可以喇!

 

Line-65

Laneige Infinite Volume Setting Mascara $210

 

呢支Mascara採用咗天然Wax同New Oil嚟做,

質地輕盈,可以提升睫毛濃密度!

而且成分入面嘅天然wax能夠防水防油,

提高持久度!

IMG_7291

佢個掃頭係彎彎地,fit返個眼型!

非常好掃!

 

IMG_7399

出嚟效果都係好自然,唔誇張

如果本身自己眼睫毛有返咁上下,

 

想返工要自然效果,呢支就岩你喇!

IMG_7403

 

而且搽完都好挺身,唔drop,一定last到一日!

IMG_7405

易卸度都very good架!

Line-65
IMG_7282

Za Perfect Action 3 in 1 Mascara $95

 

呢支mascara有維他命E成分,眼睫毛無咁斷,

而且今次個配方用咗兩種彈力纖維,

連短小嘅眼睫先都搽到!

都係防水防油嘅!

IMG_7285

個掃頭都經特別設計,個形狀係呈扁平

IMG_7378

本身一拎出嚟個掃頭已經有好多纖維痴住,

所以搽一層已經好纖長,

搽出嚟根根分明,

如果追求根根分明又有纖長效果嘅朋友,

就非常適合!

IMG_7382

而且都係容易卸除!用溫水都可以卸架喇!




Line-65
IMG_7295

Max Factor Wild Mega Volume Mascara $68

 

全新嘅mascara用咗葫蘆身形嘅刷頭,

係刷嘅中間係以中空嘅纖維刷毛,

令到睫毛膏都可以沾滿刷頭!

 

而且兩端長毛設計可以令眼睫毛變得豐盈。
IMG_7287

 

纖長效果非常不錯,

睫毛膏都夠黑,搽出嚟啲眼睫毛睇落都好豐盈。

搽兩層都唔會有甲由腳!

 

IMG_7321

IMG_7330

而且易搽易卸

 

我覺得以呢個價錢真係值得試下!

IMG_7359

 

Line-65
唔知大家有無睇岩呢?
如果想對眼再靚啲,就快啲買返支喇!
分類: 未分類
發表時間:2013-09-21 07:03 PM  [ 訪客留言(0) ] [ 編輯日誌 ] [ 分享至FACEBOOK ]


行到腳爛之旅 – 攻陷英法 (二)
2013 年 9 月 21 日  星期六

 


係時候講埋歐洲之旅下集喇!
係英國個陣呢,就去咗個
outlet
下面可以去睇下個網址
http://www.lavalleevillage.com/
之前都聽過朋友講過,呢個outlet好多嘢睇
有好多唔同牌子啦,其實除咗想買鞋之外,
我就好想買burberry嘅乾濕褸啦!
一路都好想買架喇,但買佢就好似買樓咁呀!
個價錢不停咁升,香港賣萬幾蚊一件褸,就太奢侈喇!
所以今次襯去outlet就睇下,有無啲款係岩我架啦。

20130818_17512820130818_175138

你見到我拎住一袋二袋,當然一定有收獲啦!
去到呢個站嘅時候,其實都幾得意
因為個站真係得個站仔架咋,得一條單程嘅路軌
睇落真係好荒蕪,估唔到呢到都有寶藏收埋!

 

可以睇下我個戰利品先啦!
我就係個到嘅jimmy choo買咗兩對boots啦!
一對係皮嘅尖頭高踭嘅boots,
呢對著落去真係好舒服,個型真係好靚!
最緊要個價錢係平,折咗都係2-3千蚊港幣一對
如果香港點減價都最少5,6千,所以就即刻買咗!

 


咁之前著開個對水boots就退咗役好耐,
自己都有買過呢排好Hit嘅牌子嘅水boots
不過都唔係好岩款,個腳型都唔係好靚,
所以買咗返嚟都唔係成日著。
咁我見呢到有水boots,就試咗!
著出嚟個型好靚,而且好修長
呢隻灰色又靚又容易襯衫,個扣又靚
最緊要係有我碼, 佢折咗都係千幾蚊,
所以都係諗都無諗就買咗!

 



最後,點少得去burberryoutlet呀!
入到去都見到岩岩off season嘅乾濕褸,
但佢哋淨返嘅size都比較大,可能俾亞洲人買哂
咁就諗住轉戰童裝部,
但佢哋嘅童裝其實好似嬰兒部咁
Size係好細,
不過好好彩都搵到一件岩身嘅乾濕褸,
呢個折咗大約6500港幣啦,香港要半價先買到!

今次除咗行咗啲大brand嘅shop之外,
都買咗一啲中價貨,
事緣有一日學人懶悠閒咁坐喺cafe嘆咖啡,
見到有個外國人著住件黃色背心,墨綠色長裙,
好飄逸咁坐喺我面前,好靚好優雅~
咁我之後行行下街,見到ZARA有條墨綠色長裙喎,
咁就即刻買咗啦,
其實睇番個trend,嚟緊都會好興墨綠色架~
好彩𠴱陣有買到,因為暫時喺香港都見唔到有得賣呀~
去到外國行下ZARA,TOPSHOP,H﹠M呢啲shop,
都有唔錯嘅收獲架~
大家下次去到記得行下呢三間shop呀~
早幾日我就著咗呢條墨綠色長裙上姊妹淘錄影,
其實墨綠色都好易襯,
黑色、白色、灰色、黃色等都可以架~
𠴱日幾位主持人都著咗墨綠色嘅衫,
我地襯到好似夾過咁,
但其實係冇夾過,證明之後都會好流行呢隻色啦~


 

有朋友介紹咗我去,英國嘅跳蚤市場
你問我個到多唔多嘢睇呢?
我可以答你,係完全無嘢睇同埋啲嘢係好貴!
如果你去到英國,又有時間又無地方去
咁都可以去睇下嘅,但唔睇都唔係一個損失。

 

好似下面啲家品,傢私都係我鍾意嘅style
都似workshop嘅裝潢咁
其實係香港同大陸都有好多類似呢嘅傢俱,
有部份傢俱我都係大陸見過,
所以懷疑呢到都係係大陸入貨,
我都建議都唔需要係呢到買嘢!

咁之後去到法國嘅鎮仔,就見到一間賣碗碗碟碟嘅舖頭
呢啲都係我鍾意嘅款色啦,不過我都係無買到
一嚟又驚打爛,第二個價錢都幾貴
所以我都係無買到,睇完就算!

 

 


20130822_16431920130822_16432320130822_164343
Line-67
因為今次去一個法國嘅小鎮啦!
其實都係比較鄉郊嘅地方,有啲似香港嘅南丫島,
去法國之前有好多朋友都叫我小心啲,
小心啲袋會俾人偷,我其實就覺得只係巴黎比較危險
過咗巴黎其他小鎮都好安全,啲人都好nice,
比我去法國之前個印象都差好遠。
法國啲歷史建築物都好靚,其實隨便影都好靚。
大家可以睇下我啲相!


20130822_11360820130822_11362520130822_113658
20130822_11384620130822_11391620130822_114139
20130822_11424020130822_11440820130822_140613

法國俾我其中一個好好印象,就係有好多好靚嘅花。
個到有好多唔同種類嘅花,唔知係唔係天氣問題,
啲花顏色都好靚,而且keep得好好,唔係咁易謝!
今次去到就不停影花,其實呢到都係一小部份嘅花
對於我呢個花痴,見到咁多七彩繽紛嘅花,人都開朗啲!

咁當然去到法國唔少得去一啲出名景點,
羅浮宮、巴黎鐵塔都有去到
其實建築物係靚,不過如果呢到啲人唔係咁頹廢,
咁死氣沉沉,多啲活力嘅話,真係會令我加分!

 

 

啲建築物真係好靚,佢哋嘅祖先真係好有智慧
同埋好有藝術細胞好勁,唔知係唔係以前啲人無娛樂
大家都醉心係呢到,做好多嘢都好仔細!

 

今次就分享下係英國博物館,裡面嘅飾物
本身自己都好鍾意金飾嘅嘢啦,
所以係博物館都睇咗好多古代嘅金飾
本來仲有好多好靚嘅珠寶,
但可惜唔俾影,所以就影咗金飾俾大家睇。

 


20130819_12400320130819_124048
20130819_12405420130819_124042

20130819_12401220130819_12402120130819_124026


我見到而家好多金飾設計,係幾百年前已經有架喇!
可能都有啲首飾設計師都會係呢到偷師,攞靈感
但我就好欣賞以前啲人,做嘢真係好仔細好detail
除咗金飾之外,啲雕塑、建築物都好靚,
估唔到以前啲人,用啲磚都可以雕到咁宏偉嘢建築物出嚟!


睇下面張相就好明顯有睇到有出新舊嘅分別啦!
另外一邊河係啲好新穎嘅建築物,感覺幾得意!
你問我鍾意新定舊,我就鍾意舊喇!
因為真係好欣賞以前啲人可以咁利害!


Line-67
咁今次最主要嘅目的就係去,
我識咗好耐嘅朋友個婚禮啦!
由佢開始揀婚紗晚裝,到化妝set頭,都係我同佢一手包辦,
咁今次就係去咗小鎮搞個婚禮,
因為佢先生係一位法國人,所以就返咗自己嘅家鄉舉行婚禮。

 

整個感覺好特別,因為佢哋成村人都互相認識對方,
感覺好warm,好似一家人咁,佢哋會同你一齊慶祝
一班鄰里會為新人唱歌,真係會為對新人感到高興
感覺就好似,雖然唔係好熟但都會好真心祝福你
好坦白講,係香港除咗親人姐妹先會咁,
真係街坊應該就唔會喇!



而且相比下巴黎同啲小鎮嘅人情味,真係差好遠!

 



今次識咗一班係小鎮嘅朋友之外,
原來華人對於個到嘅小朋友係好受歡迎架!
第一日嚟到,啲小朋友都望住你,
好想貼近你咁,又成日痴住你同你影相啦
又做啲小動作引你主意,真係好好笑!


所以除咗巴黎之外,其實整體都幾好
咁而法國同英國相比,我都係鍾意英國多啲
因為感覺好似香港,同埋無論人同感覺都係nice
最緊要就係無咁危險啦!
法國俾我個感覺,經濟真係好差,行到好多地方
都感覺好似會俾人搶野咁,
因為自己行街
行咗一個偏僻嘅地方,
真係有啲吉卜賽人,
知你係華人又一個女仔,真係會走埋嚟嚇你!
如果你之後有呢啲case,大家要鎮靜啲,
睥住佢就無嘢架喇!
因為如果佢知你驚,
佢實會繼續嚇你,
所以大家出去行街都係同埋朋友一齊會好啲!

Line-67
返到黎香港就繼續工作,自己jet let咗好耐,
係呢個星期啲時間先調返好啲。
但係因為有段時間去咗歐洲,返到黎個感覺hea咗,
希望返到嚟香港快啲收拾心情,跟返十幾日嘅工作進度喇!

分類: 未分類
發表時間:2013-09-21 01:28 PM  [ 訪客留言(0) ] [ 編輯日誌 ] [ 分享至FACEBOOK ]


補妝法寶~~最新粉餅推介
2013 年 9 月 19 日  星期四

 


最近天氣都變得清爽,

代表係時候換skincare同粉底喇!

上次為大家都有介紹秋冬粉底液,

但大家唔好以為粉底液要轉之外,

其實大家帶出街補妝嘅粉餅都要轉架!

 

今次就為大家介紹Armani, Chanel, Enary, 

Makeup forever同Sofina嘅粉餅,

每款都適合秋冬用架!

 

Line-64

Armani Maestro Fusion Makeup Compact $570

今次armani新出咗一隻全新嘅補濕粉餅,有8款色調

呢款粉餅並唔係普通粉狀壓成嘅粉餅,

而係乳霜狀架,相比起傳統兩用粉餅,呢款係少30﹪粉末嘅

而且加咗維生素E、摩洛哥堅果油及SPF29

真係一盒就做到補濕同保護皮膚嘅效果!

 

IMG_7157

試用時,佢嘅質地都creamy同幼滑,

但印上面之後唔會痴upup,

而且遮瑕度都唔錯,黑眼圈位都遮得幾好架!

 

IMG_7262

上面效果都好貼,
而且都有自然光澤感,
本身質地都好滋潤

所以非常適合乾性皮膚嘅朋友!


Line-64

 

Chanel Vitalumiere Compact Douceur $540

推出咗6款色系,分Beige色系同Beige Rose色系,

Beige效果自然,Beige Rose帶粉紅tone,

無論健康膚色或者較白膚色都一定搵到適合嘅色tone

含蜜桃莘取精華潤澤分子,

利用光學科技,透過紅、綠、藍色分子分散白光,

令妝容更透亮,

有埋粉璞同mini brush,

出街補妝都好方便

 

 

粉質好滑,用粉璞印上面,

效果好透薄,好自然,唔會覺得乾,

適合冇太多瑕疵嘅肌膚,

喜歡自然裸妝就啱晒喇!

Line-64
 

 

IMG_7168IMG_7160


Enary Clear Veil Power Foundation SPF21 PA+++ $580 

經常處於冷氣室內或轉季時,
會令皮膚容易變得乾燥同敏感

而Enary呢款粉餅就有豐富甲殼成分,

有抗敏功能,不含酒精、石油化工成分,
所以敏感皮膚都岩用架

而且都有角鯊稀成分,
印上面都好貼服!

粉質都透薄,
都可以均勻膚色,

感覺都唔厚唔乾,
混合性皮膚都好岩用!
Line-64

Make up for ever Pro Finish Multi-use Power Foundion $400

呢款粉餅會提供10種色調選擇,適合所有肌膚,

而且今次配方特別減少咗用滑石粉成分,

加咗其他粉末粒子,
咁就加強吸收油脂分泌,

所以好適個油性皮膚嘅朋友使用,


IMG_7169IMG_7161


粉質相比起chanel唔算係好透薄,
但印上面都唔會卡住一撻撻,浮起哂,
都相當貼服!

而且都係可以均勻膚色。
佢嘅好處就可以令毛孔粗大
同出油嘅地方都有改善得到。
如果想營造啞緻底妝,呢款粉餅就岩你喇!

 

Line-64

IMG_7163IMG_7165

Sofina Primavista Powder Foundation UV 全七色

$290(補充裝)$100 (限量粉盒)

今季Primavista推出咗秋季限量粉盒,真係好靚呀!
滿佈咗啲小菊花,好吸引!

而今次呢個粉餅係採用嶄新全天候貼服粉體EX,

質地非常柔滑,

而且有高度保濕及防皮脂配方,

所以好Long lasting架!

 

上面之後一啲都唔乾,而且仲好貼又影印開添!

而且遮瑕度都唔差,因為粉質細,

所以都無厚粉感覺,氾紅都可以遮到。

真係幾適合秋冬用!
Line-64
唔知大家有無用開粉餅嚟補妝呢?
其實每個女仔袋裡面,都好應該有一盒粉餅傍下身架!
所以大家快啲揀款岩自己嘅粉餅啦!

 

分類: 未分類
發表時間:2013-09-19 04:01 PM  [ 訪客留言(0) ] [ 編輯日誌 ] [ 分享至FACEBOOK ]