今日老媽放假,本來佢話出街食飯

不過細佬要7點後先返, 老公就最遲8點出門口返工= =

結果改係屋企打邊爐!!

話說5點鐘, 我地打算落街買爐同埋材料,

見到老媽懶洋咩唔想郁個樣, 唉! 算吧啦, 唔洗佢一齊落去

我話佢出錢我地出力, 結果佢比左五百蚊我地去買野

但係佢彈左一句說話比我聽, 佢話得返五百蚊咋!

既然得返五百蚊! 你仲咁豪話出街食!?

我真係比佢呢句說話吹到啤一聲= =

到最後買晒所有野, 用左7百幾蚊...........(爐+煲已經用左280= =~~~肥牛150~ 羊肉100~其他丸,豆腐,湯底等等都180)

睇黎今個月都係慳d好= =部電腦超出預算.........

本來預4千, 而家要5530, 不過都好, 切部好d既, 用耐d, 條數都係一樣姐!