第四屆寵物展終於結束

而我今年...依然係冇去到= ="~本來今年真係打算去~點知老公仔突然改更表~

結果都係變左冇去! orz

夜晚約左"壞人"食飯~點知有人悶得濟~自投羅網~同埋我地一齊食飯!

不過等得佢到時~我地都食完嚕= =最後去左食甜品!

誰不知我行快兩步出門口~一出到去就中頭獎!

唔係有雀仔飛過~亦唔係有人高空擲物........

而係間餐廳唔知邊樹滴左"達"油係我個頭度囉= =

頂佢! 我洗完頭先出門口架..........

結果搞到我又要返屋企洗多次頭......今日真係有夠黑仔= =

話說~間甜品都幾麻麻....我叫左個最普通既甜品"椰汁芒果西米露"

一d椰子味都冇....成碗野都冇咩味咁.....就咁收我25蚊....好貴丫>_<

頭先係2000蚊到睇到呢段片= =

我都嚇左一跳~

隻貓肥到行都成問題~

雖然我覺得貓仔肥肥地會可愛d~

不過肥到好似佢咁我就會好擔心= =始終太肥唔健康.....

今日比房署d裝修工人啪門嘈醒

個人已經醋醋地= =

再加上我個"好細佬"又成日o係屋企

心情更加悶.........

我越黎越唔鍾意見到我細佬

尤其係當佢自己煮完野食之後

個廚房就七國咁亂~叫佢汁返好dd~佢又借左聾耳陳隻耳

總之對佢有ETC既不滿啦

都唔明而家D學生...比成萬幾蚊學費~成個星期都係上得一兩日堂...

日日見佢係屋企打躉~同冇學返有咩分別=.=

我話過~佢係屋企食飯o個晚~我就唔會煮飯!

煮完叫佢幫手擺位~冇反應

煮完叫佢幫手拎飯~冇反應

食完叫佢幫手汁碗~有反應~不過黑面

食完叫佢幫手洗碗~冇咩反應+黑面

真係見到佢就成肚火\"/

睇新聞見到呢段報度, 真係好嬲~

呢個人絕對係不知所謂~既然領養得d貓~就要對d貓負責任

一句要搬屋就丟棄佢地!? 離譜!

更何況領養返去~2星期就瘦左四分一.......仲要有兩隻牙被磨平~再加上變得怕人.....

老實講~睇完呢篇報度我都覺得呢條友係虐貓\"/

我係100%鄙視呢d對小動物不負責任既人!

最近試左3隻OLG~石器2, 尋仙, 星矢

好失望囉= ="

一直期待好耐既石器2~個新手任務已經令我好煩躁......

唔做又唔得喎~因為做完可以有隻特別寵= ="

如果比我選擇~我情願玩返一代....

佢個戰鬥選單無一代咁得意~而且捉寵好煩左好多~"~

至於尋仙......比我感覺~嘩~~~做咩咁似WOW

就連介面同操作都一樣= =再加上可以改HOTKEY......ORZ

但係尋仙既紙娃娃真係.......唔多O岩我~話說尋仙40封頂

我玩左個零鐘已經10級...乜咁易升既= ="

成晚玩得最耐既係星矢OLG

成隻GAME我覺得最唔好就係"做咩要做MOUSE行路"  真可惡\"/

之前睇人地POST出黎既相~星矢OLG畫面都OK架

點知到真正玩既時候就.....妖!

原來要ZOOM近左先靚咋~拉遠個畫面黎練功.....OH~~差到爆= =

場境顏色配搭太粉色....再加上人多....怪多~搞到隻眼好鬼累

到底幾時先有隻我接受到既OLG呢......

永恆紀元快D公測就好喇>< (謎之聲: 年尾先公測喎)

手痕又上去睇片~呢段片都OK架~鍾意貓既人一定o岩睇^^

好累丫~開始覺得打通宵機真係好累架= ="

經過15小時既補眠~都係好眼訓 orz

上網睇野既時候發現呢段片~好好笑~哈哈

呢個星期身體虛弱指數簡直到底= =

前段感冒未清....中段發燒....而家就喉嚨極痛....因為又發炎....

而我係屋企依然係病死冇人理....(習慣就好了)

唉.....好彩仲有個老公仔同D貓仔姐

我病o個幾日阿喵痴都我實一實

好似想講: 阿媽~冇人陪你~都唔緊要~仲有喵喵丫^^

當然仲有小邦同八妹啦~佢地都好乖~呵呵

前日上午老公仔放假~於是約左阿bee同楊生打機

開頭都好地地~唔知係唔係喉嚨發炎既關係~又無啦啦發燒

不過應該都係低燒姐.....都唔係好緊要...

所以我都冇出聲~廢事掃興啦~

早兩日悶悶地上網搵仙劍ol既資料

結果搵到大陸版仙劍~就dl左黎試下

經過左一日既dl~終於有得玩嚕~~

畫面比想像中既好dd

至於遊戲性質都係大同小異啦

不過佢d職業都奇奇怪怪

唔知我睇錯定係點呢

補c係同劍= =?!

而家升到lv8~再練落去see see先@@!

呢兩日八妹思春.....日叫夜叫...好嘈丫= =!

但係叫我帶佢地去做手術...我又唔捨得.....驚d醫生手勢唔好

整親佢地= =.........都係忍耐下算= ="

下次先補返仙劍張圖比你地睇啦~!

阿喵今日訓訓下覺"咕咕"聲叫

我望下佢咩事啦

見佢又訓緊覺喎

咪模下佢囉

點知佢扎醒左兼"fair"我= =

仲想爪我tim

睇黎佢發緊惡夢....

貓仔都會發惡夢架~_~

wow月卡到期....又懶得去買

反正老公仔隻人仲有月費

玩下佢o個隻小d先~(閃)