今日十點到起身啦.....不過一陣十二點到就要同德榮佢地去camp啦....其實我仲未知去唔去好嫁....諗左成幾日嫁啦....
因為聽日要同鼻屎班友= =".....返..大..陸.....所以諗左好耐呀....不過~!!到左最後最後我都係決定左去...
但係去一日姐...12點30分到啦...我就去左地鐵站等去camp班友啦....不過好似因為學校出左d事...
所以搞到我係地鐵站等左成個鍾...(媽的)..我地就去左西貢買野...我就係度等德榮返黎...(又係得我一個等..幹..)
等個陣咪同柯華傾下電話...不過我部電話壞壞地...好快就收線啦...之後等左好耐...佢地先返黎...
跟住我地就令住一袋袋食既飲既野入營啦...(好重)行左成個鍾既路先返到去營地呀~個營地好大呀..
仲有好多人都係個營地度...咁我地就搵個位起營啦...之後好快咁要煮晚飯食啦..(其實個陣已經7點幾啦)..
咁d飯都算ok啦...食得飽飽的...之後去洗野...不過我要打電話...要去到碼頭個邊先打到...所以..
要一個人行條勁黑既路...(咩嗜..男人唔怕黑既...)不過好快打完話就返返去....去到營地又同呀陳sir出去行下...
望下女仔...又睇下人地個營火會...人地個火燒得好勁呀..燒到個爐都裂左...呀sir仲話如果有差佬係度...
呢班友早就比人拉左返差館...呢班友仲要係童軍...哈哈...再同呀sir吹吹水就返返營個邊囉...又同班人吹下水啦...
跟住班友要睇我個d貼紙相...(幹..不是吧??)我就同suki交換貼紙相睇下...影得都ok呀...遲下一齊影啦~!!
再夜小小德榮班人又去行夜山....我就悶悶地係營裏面訓覺...等佢地返黎就去食零食..(去camp買零食...笑)
之後再玩下傾下計....過到零晨三點到訓覺啦....都算好玩既...不過聽日要走啦....哈哈
|
