今日本來諗住溫中史，但係因為"Harry Potter"既萬有引力，搞到我唔溫書，改為睇戲...

2點鐘，我、我伯父、我呀哥&軒軒(上篇日記有講佢，廢是再解釋)一齊坐我伯父ga車去睇戲...

坐到ga車上面，我伯父問我唔係要溫書既咩，我就話本來都諗住溫既，但係...

我未講完，軒軒就插嘴喇：冇法喇！我d咁....既人，緊係要望多幾眼ga喇！

                              (唉唉...無奈既一天，就係由li度開始....)

坐坐下車，我伯父話不如去銅鑼灣睇戲，咁就去左喇...不過我覺得實冇位...

去既途中，軒軒無端端施住我隻手，話：好多人呀！小心唔見左你呀！

搞到我極唔自然，咁軒軒就話：你做咩咁唔自然既？

我伯父就話：緊係喇！你搞到佢(係我)好似成個犯咁！

哈哈...講得好...咁佢就冇拖喇...

跟住又行左無耐，佢又話：咦？li條褲(我嗰條)好似我尋日嗰條喎！哎呀！如果我冇洗既話，咁咪好似情侶裝囉！

我冇應佢，跟住佢又話：其實你心諗：han d喇！我條仔靚仔過你十倍喇！

我又冇應佢，佢話：wow~恭喜哂！

去到戲院，4:10-冇位！唔通睇7:00嗰場咩！咁就走左喇...

我伯父就用電話訂票既方法，打黎打去，終於都問到喇！就係喺...(包你地嚇死)....元朗喇！佢仲話要快d，因為路途遙遠喎...= =b

坐左半個鐘車，終於都到喇！但係...原來我地坐第三行囉...套戲都幾好睇既...

由於喺天水圍既關係，我地去左比較近既深井食燒鵝...

食野既途中，因為碗麵好大碗，我食唔哂，咁我伯父就話：不如你同軒軒分一半喇！

跟住軒軒就話：咁好！？

唉唉~今日真係超無奈囉...