好開心呀！

尋日去左Disneyland呢！

仲唔洗錢喎~

this is the map:

我地10點去到，跟住個法國佬就帶左我地入去喇..

跟住，我地第一時間就係去坐個火車，都一般喇...

落左車之後，就去左睇"Golden Mickeys"喇...真係好surprise，因為li次講野嗰個女人係唔係好識講中文囉...佢話"美妮"做"咩lea"囉....比起第一次去嗰個人d中文差好多...不過套野都幾好睇

之後就去左玩隔離個"Mad Hatter Tea Cups"喇...我同呀哥係咁轉個tea cup control，轉到有幾快得幾快，但係因為我呀媽唔鐘意玩d刺激野，佢搞到我隻手shun左囉...

跟住呢，我地去左睇"Mickey's Philhar Magic"，係3D黎ga！超好睇呢！雖然係第二次睇，不過都好好睇呀~最好笑就係隻Donald Duck，佢跌左落去，好百痴呢！

跟住就係我最鐘意既"Disney on Parade"喇~好靚ga d花車！不過我就dung d工作人員可憐喇...佢地不停做d一樣既動作，唔悶都奇喇，但係佢地又要keep住個笑容喎！真慘~

之後我地去左個"Starliner Diner"食野，因為呀媽想食叉燒漢堡，佢同呀哥都叫左一個，而我就叫左個燒雞翼，點知原來個叉燒漢堡係one 吉既！係午餐肉黎ga咋！好彩我冇叫啫

食完野，我地就去左"Festival of the Lion King"度囉fast pass，之後就坐左喺附近嗰d benches度發ngau dau...

then,我地返返去地球既另一面玩巴斯光年，level 5呢！進步左喎！之前係level 4 ga~呵！兩次都高過呀哥~佢仲話唔應該咁喎，笑死！

之後(好似成個report咁)，除左美國小鎮大街嗰d shops，我就行番d shops喇...買左個Baby Pooh&Baby Piglet呢！好開心呀！>.<

之後就番番去"Festival of the Lion King"度睇show喇...其實我地諗住唔再睇既，但係呀哥話想睇，咁咪陪佢睇囉...好驚好似上次咁個火人出左黎玩火，點知fing左團火上去個觀眾zhik！不過最後比團火燒左個人都好似冇乜事...

之後我地就去哂d picture spot度影相，有一幅好靚ga~係喺個castle側側地既角度，真係好靚ga~呵呵！唔知點解宜家幾鐘意影相~

之後我地就不停玩巴斯光年，不過我竟然係慢慢退步喎！由lv.5> lv.4> lv.3> lv.4！！相反我呀媽就係咁進步，都唔知點解！

玩到隻手累喇，就去左玩嗰個"Orbitron".本來我呀媽覺得會好快唔肯玩，但最後佢都玩左，其實係好慢ga囉！就連我呀媽都唔驚喎！

跟住玩理最後一次既巴斯光年，就去左小鎮大街買野等睇煙花，但係呀哥唔想去行，我地就叫左佢去坐低霸位喇...但係佢每隔5分鐘就call我地，好煩囉！搞到買左3樣野就要走喇...

等左半個鐘，終於都睇到煙花喇！上次因為落雨搞到只係睇到大嗰d煙花，睇唔哂，今次就睇到喇！真係好靚呀！！！