多謝曬....咁多位

大家既禮物同祝福我都收到啦!!!!

多謝...講真....我已經好感動^^

今日返到學校大家都同我講生日快樂

我好開心...因為我第一次有咁多人同我講

放左學之後...阿爺阿婆同我飲茶...

阿爺俾左100蚊俾我.....阿婆就買左件衫

之後我就偷偷地買左個細蛋糕

然後佢就車我返屋企

唔夠15分鐘佢就走左

因為今晚佢搭8:30機

之後...阿爸阿媽家姐佢地接二連三打電話俾我

超齊心!!!唔知係未講定

阿媽開始果陣好聲好氣

之後佢係一直咁鬧我

一文不值

眾話我生日大曬......

之後我就話既然你講我咁敗家

不如就當你從來都冇生過我,冇呢個仔!!!

收線~~~

我之後我流左一滴眼淚

但係我同自己講

我洗乜為呢D哭

夜晚....

我估唔到工人都送禮物我...

好開心.....我就好唔好意思

佢問我今晚有幾多人喇

我就好細聲同佢講....冇ar..

而且我叫佢早D放工

今晚....

我自己一個...過生日

過生日之前...我搵返我5歲生日十年前既錄影帶

好感慨

原來我好肥以前

嘩!!!果陣...好多人....

有D人都唔記得啦

阿爸好靚仔.......好似20零咁

兩個家姐真係女大十八變

但係我唸下我而家得我一個....

係時候唱生日歌...

唔知點解....唱左兩句....我就哭..

哭都好棲涼...失曬聲.....

我都唔知點解我會12歲開始自己過生日....

但係我自己同自己講....我生日得自己我都會過得好開心

因為我愛我自己!!!!!

我自已切蛋糕...

我自己搞得掂....

邊個話自己唔可以自己過生日