呢個禮拜終於完la!!!

好辛苦!!!

日日好似捱時間!!!勁攰==

勁多野做..

多功課黎...又多默書測驗...

成日唔夠訓...

之前隻眼腫到好似俾人打爆咁...

上堂特別下晝...超眼訓...

俾面老師...勁撐!!!

撐到隻眼紅曬!!!可憐!!

不過仍然果句...

中四真係好難~~~

特別econ...

黃sir講野真係好快...

我跟唔到...而且又聽唔清楚佢講乜!!

又係英文wo...

但我絕對唔可以放棄...

如果唔係...會考只能僥倖!!

P.A.....似明明地咁la...唔知自己識唔識..考細心

商業...又係一科靠背的科目...

中史...雖然好enjoy ms mok既堂..不過呢科既要求好高...

中文...想訓但又訓唔到...因為坐前面...

英文...成日默書...molly雖好...但係好似成堂冇野做...

數學....暫時黎講..呢科最enjoy...最relax..又好玩...不過miss yiu唔好成日唔開心!!!其實我地唔係嘈..係enjoy^^

我未試過開學就咁難...

對我黎講的確係難關..

好多老師話中三至中四過渡係好難...

不過為左將來...都要努力架la!!!加油

岩岩睇返舊年既9月既日記...

果時我話D野好難..

但相比中四..小兒科..都唔知果時唸乜!!!

琴日發生左一件超火爆既事...

果個人本身要當眾道歉...

on9..佢竟然詐病..

我好想殺左佢..

你係未人黎架...知唔知醜啊你...

之後...miss so喊!!!

我入左prefect3年..

除左之前miss感動到喊之外..

我未見過miss喊到咁淒涼....

我地呢班老既..又唔知點做..好無奈!!!

之後miss mok撐住..

今日我見到佢..

我真係好想一拳X佢..

但係我唸呢D咁既人唔需要我掂...

佢將來就知味道...

廢事我隻手腐爛...

今日嘉俊返左黎...

唉..見到佢我都有少少心酸...

唔知點安慰佢...

安慰佢又唔係...

唔安慰又唔得....

就好都係關心佢..

不過佢真係好唔容易..

好堅強...

希望佢早日開心!!!

唉~~

返學咁耐!!

我終於跟得上D節奏la!!!

Econ終於識做la!!!

不過我覺得D英文太難la..

D字深到冇人有!!!

仍然都係難!!!

做功課已經狂查字典...

考試點算???

其他科都ok既...

不過暫時我係班冇一科突出D..

初中果陣有通識同世史...

但係而家= =囧

不過我發覺英文...

molly一直冇教新野!!!

成日好似冇野做咁...

不過好多測驗默書同功課lor...

日日搞到好攰..

好眼訓第二日又唔夠訓..= =

鬼叫自己要會考咩..

又要為前途著想...

希望自己可以讀好中四!!!

今日發生一件大事...

思穎同我講...

果個人俾miss so炒左啊...

我覺得佢自己搵黎既...抵死!!!

冇得同情可憐...

之前係我blog亂講野都唔接受教訓...

今次仲要講埋曬D勁離譜過份既大話...

抵佢死!!

雖然見到佢個樣咁折墮...

不過俾佢接受今次大教訓...

絕對好事!!!!!!!!!!!!!!!

唔好自以為事la!!!!

唔講佢...

希望之後日日返學都係咁開開心心!!!

我今日聽到一件事!!

好嬲!!!

我索性叫佢跳樓自殺算la...

我永遠唔會理佢...

由想幫佢...之後可憐佢...之後徹底死心...

不過...

我真係唔忍心影響佢將來..

唔通等佢...咩!!!

唉..呢幾日!!

除左學習上好煩之外...

其實呢幾日有樣野勁煩!!!

搞到我唔知點算...

日日見到佢都唔知點面對佢...

事因係我中一既時候..

我因為小事逼不得已同一個女性講左一句大話..

事隔咁耐...

本身以為件事已經不了了知...

斷估佢都唔會記得!!!

或者佢已經知道真相...

點知果日撞返佢..

佢又提返~~佢仲係勁信任我

搞到我覺得咁樣騙佢..個心勁唔舒服!!!

件事已經過左咁耐...

我應唔應該同佢講返真相???

但係呢幾日每次唸緊點去解釋既橋斷既時候...

我個腦海總係見到兩個唔同既佢...

一個好惡!!!一個好nice...

nice既佢當然最好...

如果係惡...

我真係死硬

其實講真..我心真係好想同佢講對唔住...

我覺得我都讀中四..

都咁大個..而且已經唔係以前咁幼稚!!!

而且件事過左咁耐...

唔通呢個大話玩佢一世咩...

而且過耐少少..會穿幫...

到時...未仲慘!!!

最重要既係我讀緊中四...

唔可以因為呢D小事影響學業...

而且我覺得心有少少過唔去..對唔住既感覺!!!

我希望神賜予我力量...

亦希望佢可以笑住同我講佢原諒我!!!

我而家唸返..

點解當時我咁幼稚...

點解為左一個女人而騙佢...

而且果個女人又唔係我邊個...

當時既我真幼稚...

希望兩個禮拜之內搞掂la....

如果兩個禮拜唔掂...

咁就兩個月la!!!哈~

黃道港!!!你真係大個la!!!

感動ING!!!

中四!!!

本來..之前以為中四應該好開心...

可能只係功課多D..

原來中四真係唔同我所想!!!

同初中簡直兩個level...

中四好難!!!!!!!

我發覺自己學習既節奏亂左...

好多都唔識!!!!

除左中英數我可以跟得上......

其他咩econ...PA...簡直難到爆...

特別econ..岩岩做本作業....

極多唔識做....識做全錯埋!!!

我自信心徹底打沉!!!

另外中史雖然幾有趣...

但係D會考嚇死我地...

慶幸係miss mok唔係冼sir教炸!!!

之前去左camp...

返到黎又要狂追..驚死跟唔上...

每一日我已經極極專心...

而且每晚已經溫書!!!

不過好難啊!~~~~~~~~~~~~~~

唉...我家姐已經衰左...

我絕對唔可以衰!!!!

不過我覺得中四最慶幸...

就係miss mok做班主任

之前一直以為佢扮青高...

高高在上咁....加上把口臭到冇人有!!!

不過做左我地班主任..

發覺佢真係好nice...

有時佢D偉論講得真係好岩!!

個個極enjoy而且留神....(除左講無聊野)

全日有佢既時間...自己先可以放鬆..

點都好!!!到中四la..

黃道港!!4E..4A...大家要加油!!