今天年廿八，下午同腸仔去左打鼓。

        我們到了油塘打鼓，我都好耐無見佢了，都有幾個月。雖然係咁，但大家都無咩變到。其實我都好耐無打過鼓。之前跟本無咩時間，往係都可能無咩時間。但這是新年長假，而且又想同腸仔jam 下歌，加上好耐之前話同腸仔一齊去打下鼓，而腸仔佢又話好想打鼓。所以，種種原因下，才有今天的節目。

       我地輪流黎打鼓，jam 歌時感覺很好。一支結他，一套鼓，一把人聲，有一種好新鮮的感覺，很開心，好好玩。我地由中四己經一齊jam歌，佢對我影響好大，係佢令到我接到姞他，我地都算係相識於音樂下，我地今次再一齊jam歌，實左太開心了！但後來其實打鼓都真係幾攰 =.=”。

        走的時候，不知是不是得意忘形，連部相機都留左係中心度，到返到 TKO MTR station 先知道，真係失策。唯有一個人行返回頭路，回到中心拿回相機。

        回到家後，食左少少野，跟住就去了跑步。順道去了年宵睇下查理佢地生意點。去到都係一般，跟住幫左陣手就跑返家食飯。

        到今晚，竟然發覺部 MP3 壞左 ..=.=”。唉....要壞既，始終都要壞。又會等到臨過年時先壞，都唔知係未代表好意頭，舊既唔去新既唔黎，定係咩啦。唉，總之大吉利是。

       二月尾，到五月頭就 HKCEE syl. B 考試。得返三個月。會唔會有突破？！往後真係唔好再講笑，要黎料。

                                                                                                              今天有幾件事想講。

        第一，     今天是我們消費文化專題報告，完成所有訪問後，第一次開會討論、分析和分工。其實整體上都o k 。三個的訪問，令到我學到好多野。我都好開心，而miss lai 真是後好，好多意見同協助我地。真係好多謝你。睇住我地由無到現在有了一定的外形，真是有少少感動和興奮，而整個過程也好開心好笑，使我更有動力去做得更好。希望大家都全力做好。

         第二，     今天學生會自助餐晚會。都真係好多野食，活動都幾好，跳舞跳到傻左，勁high ！好久都無試過咁high 。佢地搞得都好成功，勁！

        第三，     今天同中七的朋友傾關於高考的事。他們給了我好多啓發同宝貴的意見。不到兩個多月，他們就高考了。看到也們也很有信心。不知明年今天的我，會否像他們一樣。現在中六，主攻英文，到中七，爆 AL 。這方法很好，因為英文唔可以爆，只可以浸......

        第四，     完了自助餐會後，與華仔佢地去左年宵睇查理佢地。個度都幾旺，佢地好落力，自己見到，都有一種衝動賣埋一份。不停大叫，希望賣到一件。不過都真係幾難，不過也賣到d......

        第五，     回程時，同華仔佢地傾到做生意的問題，佢地睇法同我一致。其實我訪問那個收藏家阿jack 佢係一個生意人。我覺得佢好勁，好有生意頭腦。佢令到我竟然有想做生意既念頭。其實讀到書係賺唔到大錢，只會有平穩的生活，做生意才有大錢。我唔係變到好功利。事實的確如此，且現在後生唔博，到老時怕沒有了那雄心壯志。且做生意，我想會令到平淡的生活增添無比的刺激。但現在首要是博升大學。目標：中大。

         為何我會有這想法？我有無變到？我覺得有，我發覺我正在改變中......