終於有得打字啦:)

之前部電腦壞左，冇得用數字鍵打字，

真係好sad:(不過依家終於可以打啦^^

中二開始左成四個月啦差唔多，

感覺冇以前中一禁開心，因為唔太融入到呢一班，

但都好開為我仲有好多好朋友，例如煒琳、Taisy、璿、佘、林展、陳展、吳玲等:)

好多謝你地陪左我都有一段時間，起碼我唔開心的時候，你地會陪住我先啦^^

學業:)

都幾擔憂，考試考完，雖然輕鬆哂，

但feel到成績唔會好，特別係geog同hist，

實炒，不過唔考都考完，我下學期一定會努力架><

友情:)

頭先都講左，你地對我好好啊:)

其實冇戀人，有朋友都好足夠:)

我係認真咁講架^^

「原來朋友仔感情再天真，

亦是我永遠也會愛惜的人」

講中哂我的心聲<3

Love ya:)

愛情:)

知道你依家好幸福，

實在太好啦^^

祝你同佢繼續甜蜜落去:)))))

另外，set俾自己的三個月，

我一定要做到，我唔想後悔，亦唔想再拖泥帶水落去:)

所謂：拎得起，放得低，

我想做一個瀟灑的人，我唔想好似佢咁…

我要扮型xd

希望你新年假真係會覆我啦，

唔好再話諗唔到或遲D答啦，

咁樣你都唔開心啦溝女王xd

成日周圍沾花惹草，又成日溝女喎xd

恨不得你遲D冇女溝:P

家人:)

爺爺，我真係好掛住你啊:(

你依家究竟o係邊啊？

o個日，企o係你床邊，見到你個身體，但你已經唔會再講野……

唔會再叫我詠怡……

我先知道原來你真係走左，我真係失去左你……

連我眼中係強人的嬤嬤、三姑姐、我阿爸同大伯，

都喊到收唔到聲，見到佢地咁喊，

我個心都好痛，我都喊左好耐……

點解你要粒聲唔出就走左去…

起碼俾我地來到醫院先啊……點解唔等多一陣…？

原來人總係o係失去之後，先知道自己曾經擁有。

呢句說話真係冇講錯。

今年生日，再冇你同我講o個句生日快樂同努力讀書……

原來我冇同你倒數過……

我地張家庭照都仲未影啊…明明只係仲有一個禮拜就影:(

我仲記得o個日下午，我去探你，

我臨走前你仲好大力咁捉住我隻手，

係好大力，好暖架……

估唔到，只係過左一個下午，你隻手已經唔再暖啦…

你已經唔會再捉住我隻手，唔會再同我講生日快樂，唔會再叫我幫你包利是……

來緊就係新年啦，爺爺，我祝你龍馬精神、身體健康！

仲記得每一年的年初一，我都會沏茶俾你……你仲記唔記得…？

如果我話下世，我仲想做你個孫女，你肯唔肯啊？

我會幫你照顧阿嬤，你唔駛擔心架！

爺爺，我愛你。

未來呢一年，我要做我自己！

i want to be who I AM:)

我唔要再喊，

BE TOUGH:)))))))))))