依家幾點啊？四月五日凌晨兩點三十分，或者有人會話我傻，邊有人打日記會係打番果日到咗之後兩個鐘發既事架？當然係等一日完咗先打啦，但我唔係咁認為，頭先五點幾〈四月四日〉，我訓着咗，訓到頭先十點鐘到啦，比豆豆〈老豆〉嘈醒咗，之後出咗街買野食，食完野睇埋電視，想上床再去訓多餐，但二家姐就上咗來張床同我傾計，佢同我講話我呢派真係乖咗，你乖咗係有人睇到架〈其實我都想知我有好大改變嗎？〉，佢好似知我想比人知道我係乖咗咁，一句開門見山咁講出來，我忽然間呆咗，唔知想講咩好，但心入邊又好開心。
之後佢問我係咪肚餓，我點頭示意，佢就叫我肚餓去煮肉丁米粉食啦，煮埋佢果份，之後講下野，有人向街度叫咩唔知咩二家姐啊，五家姐就以為係阿哥係街度叫上來，五家姐佢真係白白痴痴咁係度叫阿哥個名：「陳忠宇！陳忠宇！......」其實阿哥一直係廳到玩緊電腦，之後阿哥又應佢：「咩啊？！」我同佢講：「陳忠宇係廳到打緊電腦喎！」之後阿哥入埋來房，果時，五家姐先知自己LOL咗，都笑到我同二家姐肚痛。
此時，我又諗起阮Sir既一句說話：「We work to live, not live to work.」無錯，事實人真是為活着而工作，並不是為工作而生活，我應在生活中找情趣，並不是係情趣中找生活，如果係情趣中找生活，咁如果某人遇到既情趣事實在太少，那活着不是太乏味嗎？我應係生活中發掘出一D情趣，來豐富、充實我地既生活，咁樣活着不是更有義意嗎？而且我還有家人、高姑娘、1A某幾個同學，佢地帶比我鼓勵、支持，因此我唔可以辜負佢地對我既其望。
或者可能無人信我係喺呢個時候打日記啦，咁我POST個TIME出來就有人信。同埋我覺得依家好多人都係咁── Work to live, not live to work，唔知道大家有無好好珍惜身邊人呢？人地對你好，你唔知道卻要嫌三嫌四，「身在福中不知福」失去時先識得珍惜，果時或者已經太遲啦，真係好似阿妹──珊咁講？「人往往就係咁樣，當個樣野失去左先識得珍惜，但識得珍惜個陣時，已經太遲啦!」我諗大家真係要好好反思。 | 
