今日係我人生最唔開心既一日。

因為今日既陸運會，藍社又包尾!

無論係水運會，定係陸運會，藍社都包尾!

其實都無咩咁值得我去傷心，藍社年年都包尾嫁啦!已經冇野好喊，

喊，點解我會喊?

唔止我一個人喊，啦啦隊隊長、社長、社幹事……

全部都有喊。

我地喊既原因係因為我地攞唔到啦啦隊舞蹈大獎，連啦啦隊獎都冇!

我地日日練到8點幾，同屋企人嗌交都要練，

我地自問一d都唔差過綠社，點解會輸?

唔通係因為綠社年年都係Best House?

我地藍社d人樣衰?

定係我地藍社橫掂年年都包尾，輸埋個啦啦隊舞蹈大獎都唔緊要?

我唔甘心!我唔甘心我地輸!

啦啦隊獎冇都預左嫁啦，d男仔根本一d都唔想嗌!

仲要話班啦啦隊隊長、社長、社幹事喎!

佢地做過d咩???

係邊個日日留係學校，留到5點幾、6點，幫我地整d飾物?社幹事囉!

係邊個日日排舞，排到8點?班女仔同啦啦隊隊長囉!

咁班男仔呢?班男仔做過d咩???有冇人可以話比我知班男仔做過d咩?

一d野都冇做過!

社長為藍社比賽，雖然跑第尾，但係起碼佢有為我地個社出一分力!

d男仔居然笑社長跑第尾!

咁叻!你地去跑呀!既然笑社長跑第尾，咁你地又唔去報名?

今年，係我見證住藍社慘敗既一年，

亦係我一年既啦啦隊生涯既完結!