近來好忙，所以唔得閒打blog
因為功課既關係，我可能會打少d blog(如有得罪，多多包涵!)
我發現我既母校，都有勁多人升上我依家既學校(成績仲唔錯添)，
行上一層，差唔多成層都係，
不過最多都係四邑既，
今日，我1B要去功課輔導班，
教我個個F.7姐姐好好人，
唔講唔知，原來佢都係深官嫁!(我讀個間小學)
佢就讀大學啦!
大家一齊祝福佢啦!
仲有!11月12號要考試啦!要加油!
最近，我中意左《黑糖瑪奇朵》呢部劇集啦!
好好睇!
尋日，我同趙趙去西九返黎既時候，
我同趙趙都聽到一陣好大聲既「強勁」音樂……
我仲以為咩事，
原來，一位坐電動輪椅既亞叔一路控制張輪椅，
一路播音樂，仲要係勁大聲個隻喎!搞到成條街既人都望住佢
我同趙趙都非常「佩服」呢位亞叔!!!
我地一齊為呢位咁積極面對人生既亞叔鼓掌!!!
我今日發現原來我個數學老師都好搞笑嫁!
今日，有個同學(我地稱佢為x)唔記得帶書上堂，又拜左本簿係「落架」度，
數學老師話:「咁你仲唔出去攞???」
x話:「我唔記得帶鎖匙」
數學老師話:「下!you go to die啦!」
笑到我地嘔泡!
我地個科學老師好搞笑!!!
我地講緊Dolly(複製羊多莉)，佢忽然話Dolly香左!!!
咁都未算，佢借d白膠漿比我地「痴」野，失驚無神話:「你地唔好據為私有(白膠漿)呀!好貴嫁!!!$7.5一枝!!!個個都攞一枝，我破產嫁啦!!!」
佢仲話:「呢d白膠漿係出面買大約$10到，我係呢到附近見到買$7.5，咁我就諗住『大量入貸』啦!好啦!買好曬!點知，我琴日經過一間鋪頭，入去睇下啦，賣$5炸!!!」
笑到我地肚痛!!!
