今日係公司無出街食飯

午飯時公司只餘下4個人

突然"呯"一聲巨響，以為樓上裝修

接住火警鐘不停響，我地不以為然

以為消防測試警鐘....

我留意到有好大既水聲由lift糟發出

良久，我既好奇心驅使下出門外看看

升降機門底慢慢滲出水.....個一刻我大叫!

有個同事此時從後樓梯衝上來:"頭先搭lift頭頂滴水好恐怖呀"

之後，升降機門既水有如洪水猛獸般湧出黎

我地合4人之力將門口塞滿紙皮，以防公司受災

更可怕既係呢個時候發生

公司左右既後樓梯，由樓上好似激流咁向下衝

嘩~個種被水圍困既感覺難以形容

真正感受"前無去路，後有追兵"的境況

半小時後，消防人員終於解困我地

原來11樓裝修工人整爆個水管

唉!呢段日子撞正公司去旅行及搬竇

升降機要3日後先用得，都唔知點樣將行李帶返公司...