朋友S問我2007年有咩大計

我話:搵多D錢買樓

做左26歲人

出黎做野咁耐

唔通仲好似中學時有理想，有鬥心...?!

朋友S話我變得好現實，每樣都以錢行先云云

理想去左邊?

現實生活唔到您唔去改變

兒時我無理想

因為生活滿足，無咩要求

當什麼醫生律師都沒啥用，因為我最怕背書

只要開心便是!

長大了，要既係更多既錢，更好既生活

最後喜歡了創作，家人唔反對，加上在工作找尋到興趣

以為搵錢好容易

但當您要獨立時，錢係好重要

上班第3日...

好似仲係放假既心情

每日都有睡魔急call

一返工就想放假

記得第一次去越南公幹是北越的郊區

今趟去了頭頓，胡志明市，古池及美拖

越南打仗後，仍然是一個發展中既國家

但比我想像中有秩序，衛生清潔

5天行程很輕鬆

不過炎熱既天氣差d令我燒焦

今次既要上山又要下海，仲要爬地道

遊越南，認識這個國家背後既歷史與文化

係我今次旅遊主要目的

過去歷史中，南北內戰足足打了20年

死傷無數，越南既經濟才剛剛起步

人民生活質素雖然不高，但係見到無憂無慮既越南人

香港人既壓力真係好大!

部分相片: http://gdpoint3.spaces.live.com/

小女子屬猴

今年犯太歲

初二去了和合石為爺爺上一注清香

順勢攝太歲，還求了一支好簽

未來日子事事順景(希望啦)

晚上又與一班豬朋狗友打邊爐兼聚賭

似乎應驗我的上上簽

買大開大，買小開小

年初三赤口都沒有拜年

約了一班波友及同事開戰

筋骨好像沒有以前的脆弱

連打2小時，已經汗流浹背

運動衣都濕透....

非常好的新年節目!!

首先祝大家新年快樂

今年豬年他媽的熱

第一次見人著吊帶連身裙加拖鞋去拜年

我熱得手心冒汗

幸好沒有買新衣，否則大失預算!!

今年著實沒有準備什麼慶新年

沒有逛花市年宵

沒有去辦年貨

沒有大掃除(因為請了鐘點女傭)

年三十晚還呆在家中一整天

天氣又悶熱....

並不期盼農曆年的熱鬧

加上親戚置於五湖四海

顯得氣氛更加蕭條

不如吃幾件豬腩肉更實際

看罷《門徒》

我會認為它是一齣防止濫毒的宣傳片

爾冬陞把毒品製造過程，行銷方法等等平鋪直述於觀眾眼前

沒有爾虞我詐

沒有勾心鬥角

戲裡壞人理所當然沒有好結果

又是警察扮卧底的遊戲

以說教式帶出毒品的禍害

您看到電影海報

還以為是貓捉老鼠的黑幫片

您大錯特錯!!

由昨日開始已經無心工作

係公司無左個靈魂

只得驅殼...

一放工靈魂便附體

行屍走肉就係咁解啦

今年情人節弄了一盒士多啤梨朱古力

第一次的手勢還不錯

賣相可以呢

昨晚心血來潮要剪髮

因為長髮了一段時間...好悶

擇日不如撞日

由公司出旺角只需45分鐘

我剪個髮只需30分鐘

salon內男性居多

所以我選擇這間，不單方便而且夠快

我最怕在salon內逗留太久

除非迫不得意...

我跟高佬都是志同道合愛吃之一

就算腸胃炎都不惜以身犯險大嗌:食為先!!

昨晚得知旺角既一壽司10pm後有半價優惠

一直由三點開始絕食

昨晚等既人塞滿整個門口

入座後我地不約而同點了最貴既壽司

1.海膽壽司-顏色金黃色，表示新鮮而且入口豐腴沒有臭腥味，份量亦沒有因價錢而減半

2.極品黑和牛壽司-一片生和牛入口即溶，牛味香濃簡直人間極品

3.蟹膏壽司-外貌似平時吃的蝦膏，吃完齒夾留香，甘香既味道很難忘

4.油甘魚壽司-油甘魚是我最愛吃的魚生之一，其質感如油膏，味清而不膩

兩人吃了近20碟，比預期中便宜

如果不是乘半價之利，也不會吃得如此暢快