今日貪靚著對高跟鞋

點知"一失足成千古恨"....

因為嚴重大汗關係，行路好辛苦

以九牛二虎之力，步步一驚心下回到公司

想死~~~

放工時希望有人駕車載我回家

我知呢個係奢望

最後比左一舊水打的返屋企...

唉~以後唔著啦!!!!!!!

一大早收到高佬的好消息

九巴聘請他任車長，日後要作一連串的訓練

我以後要做他的乘客

這天與"炭"一字非常密切

首先，在熱熾的下午，登上了飛鵝山

汗流浹背得幾乎全身濕透...搽了防曬也沒用

黃昏，突然加入妹子的燒烤兵團

31度高溫下對住一團發光發熱的火爐

....比焗桑拿仲有效

晚上回家，發覺自己不能再黑下去

大家記得天下太平這個玩意嘛?

一張白紙，一支筆...就可以玩得好開心

上堂時最鍾意同隔離既同學仔比併

務求令張紙越花越好，還可以自創攻擊武器...天花龍鳳!

天下太平試玩版

http://hoplay.com/game/playgame.php?id=5615

阿妹話我知，向華強老婆前排探我舊老細

所以得到一大疊<黑社會>戲票

咁有jetso既野第一時間分左比d員工先

之前睇第一集其實覺得唔係咁好睇

因為平鋪直述，預計之內

如果由向生拍黑社會最有說服力...haha

不過講<黑社會>唔通有特技,有劇情咩...

所以期望唔大

第二集反而有d意料之外

場面雖然血腥(我可以接受)，但殺得有道理...

最令我發笑反而係將敵方手下攪成肉醬餵狗

有點人肉叉燒包既影子!

戲中古天樂演得最不濟

一句對白好似講3字經，又無語氣又無表情...

林家棟演活了"東莞仔"衝動，無知既性格

總括而言:呢套沒有突出既地方，75分!!

呢幾日雨不停下

我的工作做不停

家中的freelance做到三更半夜

這幾千元賺來不易

5月1日不用勞動

去了欣賞五月天演唱會---只此一場

台上台下都是一班標準粉絲

無可厚非，大部分比我們年輕....

五月天是屬於學生的偶像

歌曲勵志，搖滾狂妄...道出了一班年輕人的心聲

當日天公做美

一早起身搭車食個包就出發去海洋公園

玩機動遊戲要先熱身，先可以練大我個膽!!

最頂癮係玩滑浪飛船，右邊由頭濕到落腳指尾

要數排得最耐係水母館

入面又細又迫...而且水母廖廖可數

可能大家消耗能量勁多，尾聲係海洋公園麥記食左2個包

出到銅鑼灣又食多餐....

總結:實在太太太太太...........累

前幾日還陽光充沛

今日開始竟然落起大雨

星期日海洋公園的行程可能會取消

玩野!

今日新office的第二天,已把"新居"佈置得七七八八...