踏單車

今日，我地學校教師培訓日，所以唔洗番。今日又係我家姐生日，不果都唔多關我是，正係個生日蛋糕關我是，個蛋糕好難食呀 ! ! ! 在1點我同啊鄭運茹 , 啊劉秀婷一齊去踏單車，我地首先係天恆同天瑞踏，跟住，我地見到1E班的男生，不過啊茹 , 啊秀婷識係，佢帶我地踏去洪水橋，我地冇曬水，就去7-11買水，我比咗一半啊劉秀婷，然後，我地去惠康，個男仔因為黎個陣整親，所以去惠康買紗布，佢原來有帶消毒藥水、棉花棒、膠布同整車個D工具，好似怕自己死唔去，咩都準備好曬。

佢整曬之後，我地就返去，佢問我地踏番頭先條路定係行輕鐡路「鬼」格離條路，啊劉秀婷話行輕鐡路「鬼」格離條路，我同啊鄭運茹都冇意見，正係跟住踏。踏過D石路，凹凸不平，之後仲冇路，但又唔想踏番轉頭，D草好利同好痕，都踏唔到單車，我地行過去，行咗出去，隻手同隻腳都好痕，叫個男仔帶我地去新北江or 嘉湖銀座，佢帶咗我地去嘉湖銀座，我地「 所 」咗單車，就立即去廁所洗手，然後同鄭運茹去買包食，之後拎單車番屋企。

番到屋企4點到，再玩陣機就一日，不過好開心，第一次同D同學踏單車發生D咁的事，真難忘。

刊登時間︰2005-10-01 09:49 PM    [ 訪客留言(0) ] [ 編輯日誌 ] [ 分享至FACEBOOK ]