琴日好累啊！

  同小傻、天恩、何+、Zoe、加姐一齊去踏單車！

  我地首先約左係地鐵站等，

但係唔知點解最後變左係冒險樂園等！？

  我既手離奇受傷！

  我地到達目的地之後就搵「單車之旅」租單車。

  我地既目標係去大埔！都OK遠呀！

  之後Zoe架車爛左！

所以我同Zoe之後要好好好辛苦甘飛去同佢地集合！

辛苦到嘔！

  去到大埔就番去lol.

  回程既時候有個阿叔示意要我借過，

我咪踏去右邊囉。

之後個死人阿叔話我左遙右擺！！

信唔信我打你！？

我鐘意點就點啦！我有權唔借俾你！

借位俾你仲要俾你話！咩世界呀！？

  跟住我咪即刻行條直線俾佢睇，

而且再加快少少我既速度，

直到何+叫住我。

  我停左勁耐個阿叔先至過我。

點呀！？我條直線一定直過你！

你又快唔過我，就唔好扮快要我借過啦！

  阿叔事件之後，就到何+ PK事件！

唔知係唔係因為太痛而激發左何+既搞笑潛能，

佢一開口講野就笑到我地肚痛！

  何+你係得既！！

  成日就係歡笑之中結束。

  P.S.唔知係唔係因為小傻病病地，

傳染左俾我，好似有少少傷風，

大家要小心！！= ]

---------------------------------------------

  嘩！距離何+既生日同Kiss & Tell 出售既時候仲有十日！

不過Kiss & Tell 要香港遲一日先係真正既出售日期！

因為有時差丫嘛！

  不過唔緊要，我會等！= ]