今日係星期六，我今日要去做節，唔洗跳芭蕾舞！

本來我係勁Happy，因為可以去旺角行街！

不過，最後都係冇買到任何野！

到左夜晚要做節！救命！

簡直係悶到嘔呀！

又唔俾聽歌，又唔俾玩電話！

只係俾坐係度！

  呢個假期我啊爸成日叫我溫書，

又叫我做佢想我做既野！(我知道佢係想我好)依家我覺得好慘！

我好大壓力！跟住我D情緒又好煩雜，心情好差，好down呀！

點算？

  其實因為好大壓力，所以我呢排都好易喊！

我試過走入洗手間自己喊過好多次！(係學校都試過)

有時訓覺會係張床到喊！

平時係D同學，朋友面前我只不過係一直死頂！

我冇你地想像中咁堅強，咁樂觀！

好多次我都好想喊，但係我可以做既，就只有只係強忍淚水！

我真係好想有一個機會俾我好大聲咁喊出黍！

  我一直都好相信自己既父母唔會好似其他既父母咁，

俾過量既壓力俾自己既仔女。

原來，根本就冇分辦。佢地只不過冇一次過俾，只係分開幾次俾。

其實根本就一樣，我仲以為我係生長係一個好開心既家庭，

原來唔係！

唉，寫到我都有D想喊，唔寫啦！

我希望你地睇完呢篇網誌之後，可以留下言啦！