好似好耐都冇打過Blog啦！

今日其實都冇野好打，

所以等我打首我自己作既超爛新詩啦！

我通常無聊得濟會上堂既時候作下啦！

  《角色》

看見你們難受的樣子，

我沒有甚麼可以做得到。

我不會安慰你，

更不會說甚麼激勵的說話。

我只會靜靜的看著你，

等待你，

直到你繼續行走。

在這之前，

我只會一直陪在你身旁。

我並不是偉人，

我不懂怎樣救你逃出苦海。

我只是一位旁觀者，

雖然沒有用，

但我卻喜歡這樣的我。

  係唔係好爛呢？

留個言話我知啊！=p

  今日已經有班衫啦！

件衫係白底金字。

其實應該係黑底，

BeCuz，咁會突出D！

不過依家都OK架！

  但係我覺得件衫過度空虛，

太少野啦！

多D野效果會更加好！= ]

  本來都唔錯，

但係可惜超透啊！點著呀？？

  今日亦係朗誦比賽既日子，

我表現得好差啊！

最後當然輸左啦！

  不過，

個冠軍好扮野，

超造作，一D都唔自然，

真係唔明個評判諗咩！？

  今日番學，我發現原來我中文計錯分啊！

我得56.5分咋！！！T_T

  其實中文堂之前，係英文堂，

經過我地琴日吹麥精改快D之後，

今日就已經有卷睇啦！！

我英文比中文好好多，

所以一定高分過中文，

我英文以83分成為全個尖班最高分！

真係唔敢相信啊！

因為其實83分只係一個中等既分數。

  到左數學堂，都係派卷，

我得90分咋！(Full mark : 105分)

有少少失望囉！唔知點解！

  小息之後有個所為既講座，

實際上係黎賣廣告+叫D歌手黎唱下歌，

本來話Sherman會黎，都叫有D野睇下，

點知最後又唔黎，真掃興！

如果唔係有薯片送，我一早就係廁所等成堂啊！

    其實呢幾日，我都唔係好開心，

唔係因為考試成績啊！

係因為我o個班既其中一位班主任好似唔係好鐘意我咁，

又成日瞪住我(個樣好恐佈！)，

我一行去同D女仔一齊傾計(佢有份)，

佢就即刻彈開，

我都唔知點，

宜家直程搞到好驚見到佢啊！

點算啊？？？？？？？