12/8 - 16/8 我，

小傻同Miss Yip一齊去左北京！

  第一日(12/8)4點幾起身，

因為要6點鐘去到機場。

到左北京之後，

知道我地同靈愛小學既校長同兩個小5生同房。

  跟住，我地食我地既午餐，唔好食！

之後先發覺呢個團原來有澳門既學生，大慨有二、三百人！

  第二日，我地去睇曲棍球比賽，

要5:30起身啊！

我地係會場坐左四粒鐘呀！

好彩，之後我地去左陶藝村！

幾好玩！

  叫我地畫碟，同埋教我地整碗等等囉！

  之後既日子點過，就等我聽日先講啦！

  首先，我想同芷君講番聲

「生日快樂！」

‘Happy Birthday！’

因為星期三係佢既生日我都冇同佢講，

所以我要補番俾佢！

  另外，就係由於Hillary要轉校，

所以Monday約左我同佢D朋友一齊玩！

  首先，我地會去影貼紙相先，

之後就會去佢屋企玩！

  其實都有小小其待架！

因為，可能今次係最後一次見佢喇！

  而最後一件我要講既事就係，

我其中一個家人(非父母同家姐)今日生日！

所以要一家人約出黎一齊食飯，

一定會好悶，好無聊！

  你係幾個鐘內，所有野都唔俾做，

只係可以坐係度！

又要注意行為舉止！

好麻煩！

  你地快D祝我好運啦！

希望我今日平安冇事！

  今日我同我個家姐+佢D同學去書展。

其實我本來約芷君等人一齊去架！

點知，芷君又話會同佢阿媽去；

風姐又自己去左；

我問鎧禔，佢又話唔知，

所以最後都係算啦！我自己去啦！

  一去到就見到好多人，

最唔仲意咁多人，好討厭呀！

第一檔書攤係一D名星既書，好無聊！

  之後行行下，見到一本書叫《隱字書》($75)，

好似幾好睇，所以就買左！

呢樣係我唯一買既野！

  至於，我家姐就買左成七百幾蚊野！

有八成都係英文書！

  佢其中既兩個同學，就買左一D結婚既書！

  最後，我地就行左成4個鐘啊！