今日上普通話堂好開心呀　鄭ｓｉｒ講野好好笑呀

係ｌｕｎｃｈ我同劉昭誼去左大家樂食飯

跟住ｉｓ堂勁無聊呀　音樂堂都係一般般啦

番到屋企就溫書　今日係無功課做呀

我溫左半個鍾都無　我就玩電腦啦

因為我係前幾日我已經溫好哂　今日只係溫番一次啫

去到８點幾　我地成家人去左酒樓食飯

因為我呀嫲今日生日呀　我地食左好多野呀

有：鮑魚,魚翅,龍蝦．．．真係應有盡有呀

不過我老豆，我呀媽仲有我呀爺都唔係度　佢地都係大陸

真係可惜呀　今日我兩個呀哥都係度

不過我一句說話都無同佢地講過　食完之後都差唔多１０點啦

番到屋企都１０點幾啦　今日係咁多啦　８８

我係度同大家講一講　今日係雙十節喔！係咁啦

今朝我送左一份禮物俾翁嘉微

佢話我送既禮物係第十份　所以佢好開心呀

去到電腦堂　我同呂文雅一邊上堂　一邊傾偈

我一做好老師俾既堂上功課　我梗係即刻上網啦

又有ｏｎ　ｍｓｎ　余ｓｉｒ太好人啦　

咁都唔鬧　所以我覺得上電腦堂好開心呀

跟住去到ＰＥ堂　梗係都要跑啦　不過

今日竟然唔洗上天台跳高呀　跑完之後　

我地係禮堂打羽毛球　不過羽毛球拍太少

我，劉昭誼同埋嚴家晴就坐埋一邊傾偈啦

我地傾黎傾去都係傾同一個人

我地傾左足足成堂呀　ｍｉｓｓ ｃｈａｎ都無鬧我地呀

傾到最後３，４分鍾到啦　我同劉昭誼先去打羽毛球

打無幾下就落堂啦　今日既ＰＥ堂真係好開心呀

換好衫之後　我就同劉昭誼一齊走啦

我番到屋企先４點幾　好早呀

ｌｅｅ幾日我都過得好開心呀　係咁啦　８８

今日係小息個陣　游家恩問左我一啲野　

我就答佢啦　我一講完　佢地個個聽完都覺得火爆呀（有兩三個人一齊聽）

究竟係咩野呢？我就唔答大家啦　費事有人會報串啦　

總之ｌｅｅ件事一定唔係好野黎ｇａ啦

今日個條友仔無番學 　都唔方真係病呀　

就算有　都唔方係咩大病啦

佢唔係學校　我耳根都特別清靜啲呀　

我係度同某一位人兄（ｋｏ）講一啲野：

【你究竟係一個點樣既人呢？點解有咁多人都唔鍾意你呢？

你真係一個好悲哀既人呀！節哀順變吧啦】

今日我去左沙田　我先去左好運拿書

之後　我就周圍行下　我去左ＣＤ鋪

又去左商務同埋大眾　我係去睇下有無ＣＤ買

我睇中左一隻　我係大眾買＄１１０

點知去到商務　我都見到個隻ＣＤ　竟然賣＄９５

嘩！個一剎那激到我呀　竟然相差＄１５

我勁唔開心囉　不過都係算啦　唔買都買左囉　無計啦

跟住　我係新城市又見到一部玻璃琴

陳淑莊同我講　全世界只有１２部

雖然部玻璃琴好細　但係都幾令呀

咁都俾我見到全世界限量既琴　我好開心呀

聽日又要番學啦　係咁啦　８８

嘩！我而家輕鬆哂呀　我真係好好好開心呀

好耐都無咁放鬆過啦　我既選擇係啱既　

我從來都無後悔過呀　又之前到而家我一直都係咁呀

我無左個煩惱　我既負擔就真係輕左好多呀

好開心呀　我聽日一定要玩ｈｉｇｈ啲先

人始終都係無永遠既朋友　ｌｅｅ句說話我係好贊同既

朋友始終都係會妨礙你工作　我心中既祕密就永遠都無人知啦

我而家既心情真係好放鬆呀　我要做一個永遠無煩惱既人