超級好野．．．
華人導演李安 執導的電影《色，戒》，獲萬千影迷擊節讚賞，電影更揚威威尼斯影展，勇奪最佳影片金獅獎。但基督教組織傳統家庭促進會則指該電影故意賣弄色情，引人犯罪，呼籲全球華人杯葛《色，戒》。本港有教會團體稱，會研究是否回應有關呼籲。
咁你咁好野，又點解只呼籲全球華人？咁你咁好野，又唔諗下，接受唔到可以唔睇嫁嘛。咁你咁好野，咁你又唔話下全世界既人，睇咸野、搞咸野係唔岩嫁唔好做？？
好好野囉．．．（雖則本人接受唔到唔會去睇。）
超級好野．．．
某同學踩到我書包條帶甩曬，我講下野就話我唔ｑ識自己整番咩．．．
好鬼好笑，你踩甩就擺明係你唔岩啦，嘈。
真係好好野．．．
超級好野．．．
某位同學（上年我個班既班長），上年有個日本妹黎我地學校參觀，我地學校又唔ｑ知點解比佢入黎喎！
就成班人去睇個位小姐啦！（唔係好靚，中級貨色，１７歲有卡片，勁扮大牌。）
我地個位班長（上年）黃永鴻呢！就話日本妹好正，佢要學日文去媾日本妹喎！
大佬呀，日本整容技術一等一，全部日本妹一出社會打工有第一份人工去做咩呢？？整容！咪個個都靚囉傻仔。
仲要好有決心咁問我借日文教學書黎學。
之後家陣話自己未學識，唔還住，借期一個月家陣有６個月。
勁。
人地要學，都要學幾年啦，佢仲成日上網搞埋曬ｄ麥麥叉叉，幾時先學到幾句？
幾句就係香港人都識啦．．．香港人咁ｌｉｋｅ日本，日本野就一定好？？吹漲。
家陣做埋風紀，借野唔還做到風紀遲ｄ仲加操行分？
人地上年叫佢幫手買書簿（我地學校一定要班長先比買，ｏｒｚ。），
佢鑊鑊話聽日先，咁既人都做到班長。
我地學校仲話係ｂａｎｄ１英文中學！！
選人選ｄ咁無責任感既死左去啦。
超級好野。
超級好野．．．
今朝起身，覺得凍（開左冷氣．．ｏｒｚ），懶得起身。
之後有門鐘聲，我知係伍子奇黎啦，，不過佢入黎咪入黎囉，入黎就會叫我嫁啦。
不過佢無叫，我都樂得清淨啦。
之後我起身食早餐，老豆同我講伍子奇黎過喎，我緊係知啦。
我問番老豆佢黎做麥，老豆話佢黎拎番ｄ野走。
「咁ｄ碟呢？佢遲左成個月（其實得３星期）未還啦喎。」
「無喎，黎拎野咋喎。」
超好野，明明應許左借兩日碟就還，佢借黎入ｉｐｏｄ，話聲質靚ｄ（我話既，我信佢都信。）。
之後兩日，佢話唔記得，唔理佢住．．．成日都應承左人ｄ野唔ｑ做．．．
一星期後又係咁，兩星期．．．
仲唔還！！
尋日我放學叫佢黎唔係比佢坐，唔係比佢黎飲野，係叫佢黎還碟嫁！
又係度扮曬野咁話：打左成日波好累．．．
之後仲話自己運動會發軟蹄．．．
ｏｒｚ，唔係你自己唔控制下自己咩，平時唔練，一運動會就狂練．．．
練完仲要打波ｔｉｍ！勁！
之後又借波去打，不過我無應承佢就自己拎走左個波（以為我比）。
夜晚又無黎拎無拎走既衫、鞋喎，第二朝先黎。
。又有次約左我地之後話要同屋企係食飯唔黎，點知去到佢屋企坐陣個陣佢自己同屋企人講野個陣出破綻。講囉我地都唔怪佢既，又唔信我地喎。
唉，有困難你咪講囉，借野要借耐ｄ你咪講囉。
鑊鑊都唔講，又唔係唔比。但係諾言呢樣野，唔守就無人會信你。
我成日都病到死死下（太肥，抵抗力太低．．．），但係如果借左人野第二朝要用既，或者有ｐｒｏｊｅｃｔ要做唔做唔得既，我都死死下咁番學，最多扮聽書。（特技：手支下巴一小時不動式睡覺。）
唉．．．．．．
佢睇左成段野又嬲到爆嫁啦，信唔信？
超好野．．．
．．．
超級好野，
上網拍賣品個度呢，新拍賣既ｆｉｇ．呢，女既人物或者機械人就幾耐之前都有，男既就算幾新或者要預訂就一個都無，我好想要奇諾呀！！
ｄ人問我屋企點解得女ｆｉｇ．一來我好色（但不淫．．．簡單就是有色心沒色膽，各位網友們放心．．），二來我唔鍾意機械人一堆放曬係我間房，（其實家陣都仲有好多．．．），三來係．．．完全搵唔到我有睇既卡通人物（男）！．．吹漲曬。
拍賣唔係拍實用既，ｈｅａｔ既，有拍帶「色」既貨品．．．我．．．我．．．無言。
超好野．．．賣家（即店家，大部分拍賣玩具類既人都係有開鋪既）多數賣機械人同ｇｉｒｌ’ｓ ｆｉｇ．，唔通真係唔咸無人買？無天理．．．
．．．
．．．你係唔係成日覺得某ｄ事超級好野，又覺得不爽？
唔該分享分享啦∼∼。 |
