好煩好煩好煩丫。

點解可以咁煩。次次認真鍾意一個人就無哂理性。

成日想找佢。成日想知佢既野。成日問呢樣問果樣。佢講幾句野又唔開心。同其他對佢有意既男仔做d咩我有唔開心。

唔鍾意好似成個細路咁咁易比人影響。唔鍾意好似個傻仔咁咩都放上心。連我自己都覺得自己好煩。

想找就找。完全無諗過講咩。無plan。唔識講野。明明可以話: 難得考完試一定番去狂打機。明明可以話:考完試實瘋狂食好野同約人玩。明明有好多好多種問法同講法令到成樣野會好似傾計咁，開開心心自自然然大家share自己野。點解要直頭直腦咁問。審犯？奉指話你聽？點解要下下check住管住我？我自己都唔會想應我自己。on9到無朋友。

但有咩計。呢個老毛病次次都係咁。鍾意左人就口啞啞，如果係玩玩下就好。無咁care就唔會傻更更。唔會成個腦都係佢。

我要調整下。要冷靜下。要學番點樣好似之前咁。一段關係一定唔應該係咁樣經營。快d變番正常人。要令佢開開心心。唔係令佢覺得對住自己好煩好累好悶好辛苦。

為了她