本星期超超超超超超重點 : 星期三!
其他都係個不值一提,虛渡光陰 , 哈
26號 (星一)
本來打算今日去書展,可惜約唔到,推後一日 =)
27號 (星二)
好野 =) 終於出得,
十一點左右,死左出去
( 比平時更更更趕住死出去,
遲到呢個例行原因之外,
真係好想快D去到,
陳俊,屎D,何祥佢地真係太耐冇見 )
先係burger 傾 ,食個 "lunch"
之後去番大圍,
決定81c同火車兩者既人生交叉點之間,
最後,我地決定左係火車架
> 車廂內
>我地幾個之間真係有少少生疏
(主要係我同佢地生疏,
畢竟始終唔同學校 )
有人拍拖,坐車期間,自己傾電話
有人睇波,係車入面拋出一大堆我唔明既野
咁我呢....?
的確搭唔到嘴....
(p.s唔好講到咁多人,其實連埋我都得四個人姐 -.-" )
>結論 : 斷線風箏散失風裡 大家都變了那可追 - 下次再見 - 古巨基
落車,暫時放低唔開心,
收拾心情去書展
搵搵搵路去,係紅磡行行行
>紅磡
>係最後先發現要去尖沙咀坐船,
算啦,都要去架啦
爭持左好耐都未決定好坐咩
結果要打去線上問巴線路線
我地當時紅磡火車站外既巴士站
屎D講左我地既位置,
得出既回應就係 : 落你下面搭呀!
諗左好耐,終於知道要落下面紅隧搭車,
又亂又慌咁,唔識去,
最後都係坐的士
結論 : Leo,真的不能沒有你 (-V-)
終於去到啦,
超難搵入口 ( \口/ )
超白痴咁行左一大個圈
搵到地方入,
原來有個BUG位,
可以Skip一堆人
之後入到場啦
>書展內
>三點至四點到
發現五點完場 ,囧晒
買到飛之後,即時急急腳喪跑
入到最大既hall (hall 1a to 1e !?)
分兩組,我同陳俊一組,
人迫到真係好似動物大遷徙咁不過,
都唔止,重要係個九龍公園咁細既地方,
唔係非洲大草原
總之,超易失散!
終於搵到方法定位後,就去買本pandaman,
目標明確!
之後重見到本雲海既書,買埋 -p-
呢個hall既野就買完啦,
到陳俊,估唔到佢比我更憂悠寡斷,
定係佢搵唔到野買呢...
佢只係買左本品三國!
再去hall 3,
二個再分一個,
自己有自己行,
買usb,筆
之後行黎行去,都搵唔到野想要,
就咁就走啦
> 感覺上今次plan得超差,都係冇左靈魂人物既關係啦 (-p-)
p.s. 我原全見唔到靚模wor,可能我冇行晒啦
但係如果,我都係睇主要果幾間大書局
咁安排法,正常去睇書既人見唔到的話,都唔錯丫
走啦,下年會唔會再有機會黎 (?_?)
之後,又決定唔到坐咩
都係坐船 ( -p- )
番到尖沙咀
食大家樂 (-,-)
食呢餐....令我有少少鐘意左飲呢類飲品,
入面有一粒粒果d..
食完就番屋企啦,
話說今朝之前,
已經收到次俊豪表哥打黎既電話
夜晚,又收到佢既電話,
原來,佢要走啦...
話要去一個好遠好遠既地方.....
(T_T).....
佢話要去英國讀書..
唉...... 唔識講太多
話晒我對於別離係最驚 ....
......
我估今日之後會令我更珍惜一個又一個既朋友,家人
28號 (星三)
是日去醫院覆診
29號 (星四)
今日出婆婆屋企,
影左呢張相,
地點係我細個住既屋村..
唔知點解..
好感慨...
覺得自己同細佬好似有好大既代溝..
相距九年,大概半米既距離...
但唔止咁多,
我細個有公公,爺爺,嫲嫲照顧
可惜佢地都唔再係到...
又有差唔多年齡既表哥同自己玩
但細佬真係出世得太遲..
雖然性格同樣都有少少似,
但始終我地都係生長既環境唔同,
我細佬係醒好多,
佢而家已經打緊機,
比我細個重玩緊玩具車,
真係醒好多
但我就係驚佢冇左小朋友應有既果種童真...
唉....
30號 (星五)
覆完診,番屋企
之後同樂文玩左陣
拿拿拿,就真係樂極就生個悲啦
等呀叔話你知啦
就係玩到最high果陣...
佢甩左隻牙囉
唉....這都是年輕犯的錯
同我細個差唔多大,
一樣甩左隻牙
1號 ~8月啦 (星期日)
太無聊了,竟去動漫節
朝早先同屋企人飲個早荼先...
(無錯,係同屋企人去架 -.-)
之後去到紅磡,
今次終於識搭巴士啦
到左,買飛,入場
一入到場,見到部xbox kinect
塞左個入口..
安排超超超超不當囉
一開次去左排睇lego,帶左錢但真係冇乜野買
乜都比d炒家買晒
之後去睇到左d插畫d作品
 
之後睇d公仔比賽果d
肚餓,係時候食野...
但係係享用左呢個 "美食" 之後
我終於覺得要珍惜食物
一個粉刷咁既包...點頂?
好啦,算啦,行夠啦...
係時候閃,
行到旺角,影左張有少少怪既相..
樂文書局 !?
好,第二星期完
|
