今日星期日。。。又打風😑😑點解咁鍾意星期日先打風架？捱多一日都唔得😩😩

今日家姐落街買嘢返嚟俾我食，我食完就食藥繼續瞓，因為啲藥實在太眼瞓，而且我傷風到連把聲都沉晒喇！個人好攰，本想今晚唔煮飯，因為我醒番已經係三點幾喇！不過啲人好似好失望，我就落街買餸煮俾佢。。。但買完之後已經由頭濕到落腳，因為實在太大雨喇！

啲人晏晝自己出咗去。。。佢返嚟買咗蛋糕俾我食，今晚我哋一齊睇大結局，佢仲餵埋我食添∼咁樣特別好味！我哋睇埋電視就返屋企喇…唔知點解我覺得假期永遠過得快過返工，聽日又要返工喇！

今晚家姐同我講，Irene 佢哋想我返去，因為 Luna 又出咗啲問題，雖然我知自己唔會返去，但聽到佢哋有問題就諗起我，我都已經覺得安慰喇！