jessica1207yi : 個人主頁 - 相簿 - 訂閱  [ QOOZA - 論壇 - 登入 ]
人氣：34022 
一切從蝴蝶酥開始
不知不覺愛上你……
我 的 資 料

暱稱： 低能仔♡低能妹
MORE...
«‹ July 2026 ›»
SMTWTFS
1234
567891011
12131415161718
19202122232425
262728293031
最 新 日 誌
•一切從蝴蝶酥開始
•半年後
•分開。。。
•放假喇
•安全感
日 誌 分 類
•全部 (1919)
•我的生日之旅@台北2018 (2)
•我們的一週年甜蜜之旅2014♡台北 (5)
•我們的三週年甜蜜之旅2016♡Osaka (6)
•我們的五週年甜蜜之旅2018♡OsAkA (4)
•我們的五週年甜蜜之旅2018♡台北 (4)
•我們的生活點滴 (1883)
•我們的四週年甜蜜之旅2017♡東京 (7)
•我們的兩週年甜蜜之旅2015♡台北 (5)
•我們的甜蜜之旅2018"♡澳門 (2)
•未分類 (1)
訪 客 留 言
最近三個月尚無任何留言
最 近 訪 客
最近沒有訪客
每 月 文 章
日 誌 訂 閱
尚未訂閱任何日誌
我 的 好 友
我 的 連 結
•差半步
日 誌 統 計
文章總數： 1919
留言總數： 87
今日人氣： 5
累積人氣： 34022
RSS Feed
2018 年 12 月 19 日  星期三   晴天
攰。。。

 尋晚失眠，成晚都掛住婆婆，我知婆婆年紀大喇！依家又有呢個病，遲啲又話要化療，我真係好擔心佢究竟捱唔捱得住？以前姨媽都因為化療、電療，最後都支持唔住。。。我真係好怕婆婆都會係咁！


今朝返早，我一路都好忙，忙到七點先收工！我已經攰到散晒，又餓又冇力∼今晚啲人收工就返嚟揾我，我攰到係咁唱歌，而啲人都好攰∼我真係冇諗過佢攰到咁都上嚟睇我，老公，我今晚講�H嘢係真架！如果我哋有屬於我哋�H家就好喇。。。咁我每晚都可以攬實你瞓！每朝醒咗第一個就見到你。。。

聽日就係我們的67個月喇！希望我哋繼續咁幸福∼

分類: 我們的生活點滴
 [ 訪客留言(0) ] [ 編輯日誌 ]

2018 年 12 月 18 日  星期二   晴天
淋巴癌
今日天氣好好，好想所有嘢都會好似今日天氣咁咁好，但可惜往往都唔係你想點就點。。。

婆婆今日出咗報告喇！唉。。。係淋巴癌！知道嗰一刻其實好 down，不過因為返緊工，所以我要扮冇嘢，死撐落去∼結果我做到咗，我響公司一滴眼淚都冇流過撐到放工！

收工去咗接啲人，一見到啲人我就忍唔住喊咗出嚟，只有佢先可以令我毫無保留咁做番自己，個傻佬不停氹我同攬實我，我真係唔夠膽想像冇佢我點好？！不過我今晚陪佢�H時候唔多，因為表姐揾我，一傾傾咗成個鐘，搞到掉低咗啲人自己行，低能仔，對唔住呀！ 


分類: 我們的生活點滴
 [ 訪客留言(0) ] [ 編輯日誌 ]

2018 年 12 月 17 日  星期一   晴天
腸胃炎

 今日放假，不過好早就醒咗，因為仲係咁屙同肚痛，之後攰得滯就再瞓番，瞓到點幾又痛醒，醒咗打咗俾婆婆，同埋同啲人 whatsapp咗一陣，就再瞓過瞓到成6點！


醒咗就去咗睇醫生，睇完先發現自己成日都冇食過嘢，好肚餓。。。嗱嗱臨去買完餸就買咗個麵包返屋企食，啲人就因為年尾多嘢做，收得好夜。。。。佢收工之後就去咗按摩，成十二點幾先返到屋企！我好掛住佢呀∼我唯有乖乖哋響屋企煮飯俾佢，煮定之後�H飯盒！

有人今日睇定機票帶我去日本，我今次其實好期待。。。因為第一次有人主動帶我去同啲同事旅行😍老公，我好愛你！

分類: 我們的生活點滴
 [ 訪客留言(0) ] [ 編輯日誌 ]

2018 年 12 月 16 日  星期日   晴天
身嬌肉貴
今日都係返工�H一日，不過依然係好肚痛同肚屙�H情況底下開工，原本以為得我係食咗辣嘢先咁，但原來另外一個同事都係咁！

今日成日都揾唔到啲人，whatsapp 揾佢冇 online ，打俾佢又冇聽。。。嚇死我呀！佢從未試過咁樣，我真係好驚，我唔係驚佢收埋另一個，而係我好驚佢有事！結果我成日做嘢都心不在焉，好掛住佢，超掛住佢。。。

收工之後，我響銅鑼灣等佢，唔知係咪屙到冇晒嘢，我好肚餓。。。啲人同我去食魚生飯，好好味呀！食完嘢啲人帶我去 sogo ，好似有嘢要揾咁，但又揾唔到，又走去皇室堡。。。原來佢帶我去 salad買個袋俾我，仲要買埋個銀包俾我添！我嗰一刻有啲受寵若驚�H感覺，因為拍拖咁多年，佢都未試過咁寵我。。。今日佢咁寵我，我真係好開心架，好想佢以後都會咁寵我∼（唔係物質上，而係其他一切都咁寵我）

濕平完我哋去咗工展會，雖然冇咩行，但我真係好鍾意呢啲感覺，入到去行吓，睇吓嘢我都覺得好開心，幸好今晚唔係好多人，我哋可以舒舒服服咁行∼

低能仔，希望你對我�H好係因為你愛我，而唔係啲人所講�H，因為做咗對唔住我�H嘢而補償！因為我真係好愛你，好想一生一世都同你拖住手行落去∼

喂！！！每日一篇呀…… 


分類: 我們的生活點滴
 [ 訪客留言(0) ] [ 編輯日誌 ]

2018 年 12 月 15 日  星期六   晴天
多謝你
自從同啲人過咗個“生日快閃2018@台北”之後，啲人對我真係好咗好多，令我覺得有被愛�H感覺！呢段日子我真係好幸福，好幸福，好幸福！坦白講，自從婆婆出事之後，我心情真係好差，每日返工都係撐住笑，所以特別攰∼依家每日都期待住收工見到佢，我先會覺得好一啲。。。有佢陪住，有佢攬住，有佢同我有傾有講，我先覺得舒服啲∼

低能仔，我真係好多謝你！其實我真係好想帶你俾婆婆見，我好想佢知我依家好幸福，好想佢放心！ 


分類: 我們的生活點滴
 [ 訪客留言(0) ] [ 編輯日誌 ]


« | 5 | 6 | 7 | 8 | 9 | 10 | 11 | 12 | 13 | 14 | ... | 384 | »