今日打邊爐講起感情呢傢野
發覺每個人對感情ge觀點都好唔同

對於我黎講，直至而家有兩段深刻ge感情
雖然第一段係玩玩下，但佢令我明白到感情算係咩一回事
而家回想起當時，會問返自己點解可以做埋d咁低b咁肉麻ge野
人地提起過，我先記得自己同過佢一齊XD
呢三個月當交學費na

第二段有投入過，我亦知道自己ge毛病喺邊度
分開後人地問我佢係一個咩人，我都會講佢係一個對女朋友好好ge男仔
我冇必要唱衰佢、為難佢，即使佢傷害過我•••
但諗深一層：由頭到尾都係我負左佢，係我有錯在先佢至會傷害我

無論如何，借容祖兒首歌個歌名用一用 ：愛一課上一課