6月7號係我地學校中五同中七學生既大日子,就係我地既畢業禮喇~個日我地要4點返到學校..試畢業袍同埋綵排~返到去試袍既時間好興奮呀...成間房都好熱鬧~個個都好歡喜快樂咁試..^^~之後就派成績表...mock個個成績~都唔錯呀~我鍾意miss俾我既評語..哈~"嫻靜好學,作業整齊"..前面個句十分貼切..嘻嘻~操行有A-...勁呢~呵呵!!!派完成績表就去禮堂綵排同準備下...之後差唔多開始既時間就見到家姐同佢男友入黎喇~嘻嘻...個畢業禮好搞笑...我唔覺得眼訓,都唔覺得悶..只係覺得好肚餓..哈~因為個日只係朝早十一點幾食左隻糉,就無食過其他野lu~之後陳以誠醫生做我地今次既主禮嘉賓..佢講講下野無啦啦唱歌仔~仲要唱左3首..佢好high~做哂動作咁...不過來來去去都係個d動作~但都幾好睇...之後一路係個禮堂度都好凍~就用件畢業袍當被咁蓋~不過其實都唔暖既...個位d風吹到正..=.=""之後上堂拎畢業證書,同陳以誠醫生握手~佢同我講"中五畢業,恭喜哂~"我就對住佢笑~之後佢同我後面個個(阿富)好似講"恭喜哂,中五畢業開唔開心呢?"我都忍唔住笑左一笑..哈~完左之後就係禁係地下影相..家姐佢2個就食左d野~食完就同佢地影左幾張~又同d老師同埋同學仔朋友仔影...地下都有好強烈既開心興奮感覺~個個都係咁影呀影~哈...好玩好玩...睇黎你同我家姐佢地熟落左wo~之後好似影到十點幾走...家姐佢地走先,不過話走話走,,,走左好耐都未走...winnie就早我少少走..要返屋企~我就同朋友仔去食野...m記~仲見到阿波佢地~唔夠時間食..人地要打烊呀~之後食淨d薯條無得食..食完就搭車返屋企~好攰既一日..好難忘既畢業禮呀~

講埋今日...今日放假..大家都好得閒~朝早就同屋企人去左元朗飲茶...好味道~之後食完就同媽咪家姐個d行左陣~無幾耐就返左屋企lu~3點度返到去...今日係屋企好悶...條街係勁熱呀今日...行2行都出哂汗~消耗左唔少卡路里~哈~好野!!!