3日2夜既生活營完結了~攰到死亡!!

第一日...黃竹坑朝早補完課就自己入去塘福...

我地3個都唔知幾時落車...好驚miss左個站..好彩凱杰係個站度等我地...

入去之前買左d野...勁重!!唔該哂凱杰幫我地拎~

入去之前...一路諗住間屋應該都ok..會係一個正常既屋...

點知去到見到...好唔得囉!!好舊...同埋d野好似好污糟咁...

d野勁化學,個電視機條線斷左...要自己整返...之後個雪櫃放左袋野食,個盤就爛左!!痴返扮無事~嘻

言歸正傳...入到去之後就hea左陣...就開始玩下d game~笑到我好攰,個肚好辛苦~哈

之後就玩野外定向..超熱呀!~不過都幾好玩...virgi好勁呀..佢簡直係觀察入微..

之後抖下就準備BBQ喇~之後再落左沙灘玩...濕了=.=""

返返屋之前...我係出面沖走d沙...winnie就返左入屋先...我之後都返返入屋...

winnie勁似阿媽...因為...我入到去之後佢已經幫我汁好哂衫褲毛巾個d...幫我放埋入廁所...叫我快d入去沖涼~

仲要叫我入去之後幫我關埋門...好似送我入去沖涼咁..哈哈!!麻煩哂..

當全部人沖哂涼之後...就聽左一陣信息..同埋食西瓜^^~

之後就入房...同kammy,winnie,查查玩左一陣...就訓喇~好似4點先訓...訓到10點~

第二日...朝早winnie整左早餐~食完就汁野...因為我地第2日會去梅窩住~

去梅窩之前,去左水口掘蜆~掘到好攰..勁曬呀!!掘左好多...我掘到一隻都幾大隻~嘻嘻..好有成功感~

掘完就搭車去梅窩喇...落雨呀!!無懼~~去左買野...之後就入去間屋...好遠呀~

係碼頭行去要成半個鐘..去到之後就拿拿臨排隊沖涼...

與此同時...查查,曉彤同virgi就煮野食...好似8點幾食...但係呢個係午餐!!其實我都唔覺餓..同埋唔記得左自己無食午餐~哈!!

食到7788個時聽到有d鼓聲同埋舞獅...就齊齊去左睇喇...有燒炮仗呀~好嘈...但好熱鬧~

睇完之後就一齊睇電視...hea下~就開始靈修&祈禱...之後就玩下game..唔錯唔錯~時間過得好快呀!!

由於天氣既關係...原定行山睇日出就取消左...曉彤好失望..佢好想去睇~

玩完game都好夜喇...d人都去訓...不過我,winnie,kammy,查查同凱杰都無去訓...繼續玩~

到左8點幾...唔想玩lu~我就同kammy&查查入左房訓...winnie同凱杰都係唔訓...佢地準備個早餐~

訓左一粒鐘又起身lu~個時都ok精神...食個早餐之後hea下...就搓湯圓...之後就回程了~

坐車坐到超暈...好想好想嘔~落車就衝去7仔買陳皮食...好有效呀!!!好左好多...^^

總括個camp都幾好玩...同埋好攰~希望可以減到磅~哈哈哈哈!!!

仲有感謝主..俾我地打咁勁既風都好平安~

好耐好耐無見的老朋友~^^*

駱,蚊,靜e,我

上個星期同阿平傾開升學既問題...發覺自己好無目標~

我都唔知自己第時讀到大學既話讀咩科...

又無咩特別想做d咩職業...

就上網睇下d大學既網頁...發現我有少少興趣個d又好似唔岩我~

一係就勁難入...都唔知點算好..

我實在太無打算喇...要認真發掘下自己既興趣先...

你地都係呀...不過睇完d網頁都係差唔多...無咩target~

加油*

仲有2日就入團契個生活營喇...好期待~

每次同你地傾起講起都好期待~好想快d去...

不過好似好多野都無咩準備咁...包括我既心情...

可能今次既camp係好遲先傾野...所以覺得好無準備咁...

因為上年我地準備了個幾兩個月..=.="

不過希望今次都會好好玩啦~~

請問係沙灘有咩game係夜晚好玩架??

7月29至8月1號...就會去東莞短宣喇~

第一次去短宣...覺得好新鮮呀!!希望會平安&順利啦~

呢個都好期待...^^"

上個禮拜睇哂花樣男子喇~~^^

上個禮拜5..7月3日~朝早補完課之後返左屋企...之後就同舜出左去旺角行街~我地行得一陣咋~因為好晏至出...不過都好開心~好似食左好多野咁~^^去無印買左d零食...一路行一路食~~好正呀!!之後7點度就係旺角坐車返元朗食晚飯...係地鐵站見到grand papa(唔知有無串錯呢)~勁吸引....其實我內心勁想食...但係舜話我又食野...我就話埋去睇下...點知去到見到有個好似係新出既薄荷朱古力味泡芙,..佢就即刻話買個黎食...最後買左一個食~~好好食呀!!我地吸引左好多人去買呀~哈哈!!!

之後用左差唔多8,9個字去到元朗...我地諗住去食日本野呀ma~但驚咁夜會好多人...就好趕咁去到...遠處見到勁多人係個度門口...我地都快d去~點知....一去到就有位...原來門口d人係等緊隔離個間田中...好爽~~我食左唔係好多野就好飽喇~哈哈哈哈!!!!都幾抵食....

睇相啦~有d食左喇..扮野影返...^^"

 黃金x魚..食左一件^^"波子汽水&水蜜桃紅荼~nice*   佢飲飲下粒波子kick住左係個樽口度...之後我二話不說就拎左個樽打落張台度.. 之後好大聲....d人好似望住我地~哈哈

唔錯...

 三文魚刺身~好抵呀!!!

 帶子刺身...好鮮甜~正呢

炸三文魚頭~好抵...有好大舊...佢仲有成舊係下面...

唔知咩炸蠔卷~唔錯

食到我好滯同好辛苦...原本想去食m記既新雪糕...都食唔落了~下次先試啦~

**happy day!!

舜入了camp...2天後見~

終於都考哂試喇...但係今次臨考之前都唔係幾緊張...唔知係因為自己唔在意定係經歷過會考之後長大左呢?不過今次既考試,每晚都好夜訓...真係太多野溫喇...連續2晚訓得4個鐘真係幾攰...會考都訓足8個鐘..不過挨過左好開心呀~所以今日就去左玩喇...

今日11點去左唱k...唱得好少時間咋...仲要早左cut..之後過多陣就去左剪頭髮喇...頂唔順咁熱~本身得我同kammy剪...點知原來macy都想剪,,就齊齊剪喇~無咩特別~~kammy個頭回復返中4個個頭...^^*

之後返左天水圍...meiyi諗住電髮...仲"了"埋kammy一齊....kammy應承左...不過因為太貴同好似俾人搵笨,,就無電喇~點知meiyi死心不息...哈~~再"了"kammy聽日返大6行街同電髮...哈哈~~~個蠢女人又俾人哄到...就最後佢地聽日返大6電髮...好期待睇下佢地個效果~~

一路順風!!

好耐好耐無打過日記喇...好似無咩野寫...日日如是~當有野想寫時,又無電腦用,,,過後又無左個種衝勁~仲有2個禮拜俾我返身...我要努力盡力...面對眼前既難關就係順利升上中7,.,,我唔想令自己同每一個對我有期望既人失望,,,與其要你地失望,,,我唔忍心,,,你地都係唔好對我有咁大既期望...可能會好過d...

唉~悔氣說話講完,,,都要take up返啦,,

累透了..