16-1-2010,終於發表第一篇...日誌,但係內容係琴日的事...

一早起身,為咩?為左去游水-v-

約左benyu,原先都有腳趾,但係佢甩我底\__/

我地兩丁友正正式式咁..練水,游到9點到就已經頂唔順,

走左入去更衣室,淋左好耐身"凍嘛/__\"

約左小卡首次出街,出到觀塘,

岩岩好可以買到個"早晨全餐"

之後就去左amp,佢又撞到佢d朋友,

原來佢d朋友買左12:40"午夜靈異錄像"

搞到我都被迫買埋飛入場睇,

開始果時都冇咩野,完全唔驚^__^!!

不過...大件事!!最尾到嚇到我連叫兩次!!

老實講,我自問我唔係d細膽ge人,

平時對呢d野都有"免疫"

呢套戲......(唔洗講你都明啦)

我果陣時都只係叫一叫咁就已經唔驚,

可惜到訓果時就黎料啦,

11點半訓,一合埋眼就諗番"晒"套戲講乜,

無奈...咁就只好數人頭"數羊仔轉變而成的"

咩人頭?下星期5去打邊爐慶祝ge人囉^__^"

搞到,訓一陣,又醒過,再數多次...

牙業,超,梁,然,菁,豬皮,雄,,霖,家姐,我(次序次次唔同!!)

搞到成4點幾先真係訓,老豆5點左右出門口,

佢d動作+模式好似戲中ge惡魔一樣,走路有"聲"

幾鬼恐怖...我原先ge美好一夜,就比套戲破壞左,

家姐,你千期唔好去睇...陰仔佢話佢都"驚"wo

(讀者,你也是!!膽小d都唔好,要完全唔驚鬼先好"考慮"買飛)

希望今晚好訓d -v-||