今日係6月13日呀..感謝咁多位sd sms俾我, 同我講生日快樂

我真係好開心, 多謝晒....早上~ 9點返去學校考中文口試...

又係果句：點解年年生日都係考緊試 /___\ ?!

考得不太好, 被swing屈到我無野講.........認輸 x__x

考完試返屋企打機, 到左兩點左右落左元朗補習...

後日就考試, 又無理由掛住玩既... 去到溫PHY,

不過實在係累..對住d數好似唔想溫咁...

於是4點幾 阿K黎到

我地幾個人就開始玩, 啤牌完之後就到打牌...

玩玩下都唔覺就到左差不多6點喇,

於是就自己搭車返天水圍...去左銀座的酒店食自助餐

可惜阿媽無啦啦又發瘋, 個過程一d都不開心..

於是搵個藉口自己走左出黎...周圍行來行去...

結果行行下, 無野做就自己返左屋企

好快又一年喇~ 今年大家覺唔覺得過得特別快~? 是我錯覺嗎~?

身邊的人都十分關心我, 我對此真的好開心的...

只是...........當我自己一個坐係公園, 諗起無數的對話

才發覺自己平時做錯左好多, 可能令身邊的朋友好難受...

所以我係度同大家講聲對不起...

同時沒有情人的過生日, 其實果個感覺更平淡, 沒有人會特別為你緊張

想起這些, 我發覺雖然我每年生日都會不同, 但又不是真係咁精彩..

只是普普通通食飯, 甚至同家人吵架的生日我都試過了...

所以我才覺得平靜的過生日, 已經很好..

今晚看來應開心的, 其實一點兒也不開心...

賴粉,, 你肯咁做我已經好開心...多謝~